Júrek aqaýy bar sábıdi Seýlden Almatyǵa sanıtarlyq avıatsııanyń ushaǵymen jetkizedi
ASTANA. KAZINFORM – Brıgada týa bitken júrek kemistigi dıagnozy qoıylǵan 4 jasar balany Seýl qalasynan (Ońtústik Koreıa) Ulttyq pedıatrııa jáne balalar hırýrgııasy ortalyǵynda odan ári emdeý úshin Almatyǵa tasymaldaýy tıis. Bul týraly Densaýlyq saqtaý mınıstrliginiń baspasóz qyzmeti habarlady.
Jańa týrboreaktıvti mamandandyrylǵan ushaq aýyr jaǵdaıdaǵy patsıentterdi alyp júrýge arnalǵan eki medıtsınalyq modýlmen jabdyqtalǵan.
— Bul reıs qaýipsizdik pen jaılylyqtyń joǵary deńgeıin qamtamasyz etetin eń jańa áýe kemesin paıdalaný arqyly adamdardyń ómirin saqtaýdaǵy mańyzdy qadam boldy. Búgin dáriger men feldsherden turatyn Ulttyq shuǵyl medıtsınany úılestirý ortalyǵynyń mobıldik medıtsınalyq avıatsııa brıgadasy «Alaman Air» áýekompanııasynyń alǵashqy jańa Bombardier Challenger CL-600-2B19 ushaǵymen patsıentke Koreıaǵa ushyp ketti, — delingen habarlamada.
Densaýlyq saqtaý mınıstrliginiń avıakompanııalarmen ınvestıtsııalar týraly kelisimi sharttaryndaǵy áriptestik sheńberinde tozǵan ushý tehnıkasyn jańa borttarǵa aýystyrý júrip jatqanyn esterińizge sala keteıik.
Qazirgi zamanǵy bort búkil óńir boıynsha óńiraralyq toqtaýsyz reısterdi, sondaı-aq QR patsıent-azamattaryn sheteldik klınıkalardan tasymaldaý boıynsha halyqaralyq reısterdi oryndaýǵa arnalǵan.
Aıta ketelik elde er men áıel uryǵy donorlary naryǵy qalaı jumys isteıtini týraly jazǵan edik.