Júregi syrtynda ornalasqan qyz bala dárigerlerdi tańǵaldyrýda (FOTO)
ASTANA. QazAqparat - Bul qyzdyń júrek qaǵysy estilip qana qoımaı, jaqsy kórinip te tur. 6 jasar Vırsavııa Borýn júrek ektopııasyna ushyraǵan, ıaǵnı júrektiń orny aýysyp ketken.
Qyz balanyń ómirlik mańyzdy bul organy tós qýysynda emes, syrtynda ornalasyp, tek terimen jamylǵan, dep jazady Daily Mail.
Taıaýda qyz bala anasymen birge ota jasaý úmitimen Ońtústik Florıdaǵa kóship kelgen. Biraq Boston dárigerleri qyz balaǵa ázirshe ota jasaýǵa bolmaıtynyn aıtty. Buǵan sebep - qan qysymynyń tym joǵary bolýy. Dárigerler Versalııaǵa ota jasaýǵa daıyn bolǵan sátti qalt jibermeý úshin, qyz balany úzdiksiz qarap júr.
Versalııa basqalardan góri ózin kútinip, ózine «qaýipti» oıyndar oınamaýǵa tyrysady. Qyz bala án aıtady, bıleıdi, sýret salady. Kóp uzamaı mektep tabaldyryǵyn da attamaqshy.
