Juptasyp syrǵanaýdan Qytaı sportshylary 7-Qysqy Azıada oıyndarynyń chempıondary atandy

Búgin elordadaǵy Respýblıkalyq velotrekte juptasyp syrǵanaýdan aqtyq máre ótip, eki kezeńniń qorytyndysy boıynsha 195,90 upaı jınaǵan qytaılyq Kıng Pang pen Jıan Tońg juby Azııa chempıondary atandy. Aspanasty eliniń taǵy bir juby Venjıng Sýı men Song Han 177,54 upaımen kúmis júldege ıe boldy. Al 143,04 upaı jınaǵan Koreı Halyqtyq Demokratııalyq Respýblıkasynyń sportshylary Jı Hıang Rı men Von Hıok Tae qola júldege taban tiredi.

Aıta keteıik, búgingi kúnniń qorytyndysymen Qazaqstan quramasy 28 altynmen kósh bastap keledi. Sondaı-aq el qorjynynda 19 kúmis, 15 qola medal bar. Jalpy jıyntyq - 62 medal. Ekinshi orynda koreı sportshylary. Olar 12 altyn, 11 kúmis, 12 qola medal enshiledi. Bastapqy úshtikti 11 altyn, 22 kúmis jáne 15 qola medalmen Japonııa quramasy tuıyqtap tur. Al 7-Qysqy Azıada oıyndarynda 11 altyn, 9 kúmis, 13 qolaǵa qol jetkizgen Qytaı quramasy tórtinshi orynda. Sondaı-aq júldeli orynnan kóringen memleketter tiziminde Iran, Mońǵolııa jáne Koreı Halyqtyq Demokratııalyq Respýblıkasy da bar.