Jumysynan aıyrylǵan er adam lotereıadan 1 mln fýnt sterlıng utyp aldy
NUR-SULTAN. QazAqparat – Brıtandyq Devıd Adams jumystan shyǵyp qalǵannan keıin kelesi kúni lotereıadan bir mıllıon fýnt sterlıng djekpot utyp aldy. Bul týraly QazAqparat The Sun basylymyna silteme jasap habarlaıdy.
Basylymnyń jazýynsha, buǵan deıin er adamnyń ómirinde sátsizdikter kóp bolǵan. Bir jyl buryn onyń áıeline skleroz (umytshaqtyq) dıagnozy qoıylǵan, ol jumystan shyǵyp qalyp, otbasynyń tabysy azaıǵan.
Tórt aı buryn Adamstyń kelini júrek talmasynan qaıtys boldy, al bir aıdan keıin onyń aǵasy koronavırýstan kóz jumǵan. Adams ózi utystan bir kún buryn jumysynan aıyrylǵan.
Áıeliniń aıtýynsha, Devıd keıde onlaın-lotereıa oınaıdy, onda ol jup úshin mańyzdy sandardyń eki jolyn qoldanatyn bolǵan.
