Jumysyna shyǵyp ketken: Qostanaılyq kelinshek eki aıdan beri izdestirilýde
QOSTANAI. QazAqparat – Qostanaılyq tártip saqshylary 28 jastaǵy kelinshekti sáýir aıynan beri izdep jatyr, dep habarlaıdy QazAqparat.
Belokoneva Olesıa Frantsevna bıylǵy 30 sáýirde Qostanaı qalasynda ornalasqan úıinen shyǵyp ketip, sodan beri habarsyz. Ol tańerteń Qostanaı temirbetondy buıymdar kombınaty (KJBI) shaǵyn aýdanyndaǵy jumysyna barmaq bolǵan. Ony izdestirýge polıtseılerden bólek, volonterler de atsalysýda.
Polıtsııa joǵalyp ketken áıel týraly málimetterdi jarııalady: aryq deneli, boıy 173 santımetr, shashy qara tústi, qoıkózdi.
Úıinen shyqqanda ústinde qara-kók tústi djıns shalbar men qyzyl kúrte bolǵan.
Olesıa Belokoneva týraly qandaı da bir aqparatqa ıe adamdar kelesi baılanys nómirlerine habarlasa alady: 8-700-974-43-46, 8-775-521-60-42 nemese 102.
