Jumysy baıaý bolsa basqarma basshylaryn kóp ustaýdyń qajeti joq - Eljan Birtanov
Bul týraly Eljan Birtanov elimizdegi densaýlyq saqtaý salasynyń alǵashqy jartyjyldyǵyn qorytyndylaýǵa arnalǵan jıynda aıtyp ótti. Atalǵan baǵdarlama boıynsha Almaty, Qostanaı, SQO oblystarynyń esebi tyńdaldy. Úsh óńirde baǵdarlamanyń júzege asý barysy tómen ekeni anyqtalǵan.
«Ár óńir óz múmkindigine saı mindetteme aldy. Demek, oryndaýy kerek. Sizderdiń aldaryńyzǵa qol jetpes mejeni qoıyp otyrǵan joqpyz. Bazalyq deńgeıdi asyra oryndasańyzdar da bolady, biraq jumysty sońyna deıin jetkizý kerek. Kemshilikter boıynsha sharalar josparyn bekitip, jyl sońyna deıin oryndaýdy tapsyramyn. Bir aıdan keıin qaıta tekseremiz. Oblys ákimderine hat jazyp, tómen kórsetkishter boıynsha barlyq sandardy joldaýdy tapsyramyn», - dedi Eljan Birtanov.
Mınıstrdiń aıtýynsha, mınıstrlik QR «Halyq densaýlyǵy jáne densaýlyq saqtaý júıesi týraly» Kodeksine saı densaýlyq saqtaý basqarmasynyń basshylaryn taǵaıyndamaıdy. Biraq, oblys ákimi atalǵan vedomstvoǵa basshyny taǵaıyndaǵan kezde mınıstrliktiń bekitýge quqyǵy bar.
«Eger basshy jumysyn atqara almaı jatsa, bekitken kelisimimizdi qaıta qaıtaryp alýǵa qaqymyz bar. Sondyqtan, eger jyldyń sońyna deıin basqarma basshylary kórsetkishti túzemese, biz oblys ákimderine tıisti hat joldaımyz. Densaýlyq saqtaý basqarmasynyń basshylarymen kelisimshart 3 jyldyq merzimnen aspaýy kerek. Biz zańnamaǵa ózgeris engizý týraly usynysty daıarlap jatyrmyz. Jyl saıyn tekserilip, jumysyn atqara almasa, men ony odan ary ustaýdyń qajettilin kórip turǵan joqyn. Qazir joǵary bilimdi jastar kóp», - dep túıdi mınıstr.