Jumystyń ýaqytynda oryndalmaýyna ne sebep? – VVS
NUR-SULTAN. QazAqparat - Avstralııa úkimeti Sıdneı opera teatrynyń jobasyn 1958 jyly bastady. Joba 1963 jyly aıaqtalýy kerek edi, biraq teatr tek 1973 jyly ashyldy. Gonkong-Chjýhaı-Makao kópiri, Vıllı Brandt atyndaǵy Berlın áýejaıy, jeti jylǵa keshikken HS2 brıtan temir joly da osy jaǵdaıǵa uqsas. Jumysty ýaqytynda aıaqtaýǵa ne kedergi jáne onyń sebebi nede? dep jazady VVS.
Mundaı jaǵdaıǵa qyzmetkerlerdiń jalqaýlyǵy nemese baıaý jumys isteýi sebep bolýy múmkin. Degenmen, psıhologtar jumys josparlaý qateliginiń kesirinen ýaqytynda oryndalmaıtynyn aıtýda.
«Siz kúrdeli kásibı jobany basqarasyz ba nemese úıińizdi jóndegińiz kele me, ne isteýge bekinseńiz de, jumysyńyzdyń siz oılaǵan ýaqytta oryndalyp bitpeýi josparlaý qateliginen bolady. Bul termındi alǵash ret psıholog, ekonomıst, Nobel syılyǵynyń ıegeri Amos Tverskıı 1970 jyldary engizdi. Ol kópshiligi belgili bir jobany oryndaýǵa qansha ýaqyt keregin durys anyqtamaıtynyn, sonymen qatar ótken jobalardaǵy qatelikterge qaramastan kóbi jobaǵa ketetin ýaqytty qaıtadan durys boljamaıtynyn anyqtaǵan» dep jazady basylym.
