Jumystan shyǵyp qalǵan jigit kek alý úshin zaýytqa bomba qoıyldy dep habarlaǵan
ATYRAÝ. QazAqparat – Atyraýda jumystan shyǵarylǵan aqtaýlyq turǵyn basshysynan kek alý úshin polıtsııa jalǵan aqparat bergen, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, jyl basyna beri terrorızm aktisi týraly jalǵan habar berýge qatysty 2 derek tirkelgen. Máselen, 17 shildede belgisiz er adam polıtsııaǵa qurylysy aıaqtalmaǵan zaýyt nysanyna jarylǵysh zat qoıylǵany týraly habarlaǵan.
«Polıtsııa qyzmetkerleri oqıǵa ornyn dereý qorshaýǵa alyp, jarylǵysh zatty zalalsyzdandyratyn mamandar men ıisshil ıttermen tekserýge kiristi. Alaıda, nysan aýmaǵynan jarylǵysh zat tabylǵan joq. Ekstremızmge qarsy is-qımyl basqarmasynyń qyzmetkerleri jedel izdestirý júrgizip, 38 jastaǵy er adamnyń jalǵan habar bergenin anyqtady. Kúdikti Aqtaý qalasynyń turǵyny bolyp shyqty. Er adam buryn sotty bolǵan.
Sońǵy 4 jylda Atyraýda jumys istegen. Ózin jumystan bosatqany úshin basshysynan ósh alý maqsatynda jalǵan qońyraý shalǵanyn moıyndady»6 -deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Qazir jalǵan aqparat bergen kúdiktige qatysty QR Qylmystyq Kodeksiniń 273-babymen sotqa deıingi tergeý bastaldy.
Eske sala ketelik, budan buryn Atyraýda mektepten 170-ke jýyq adam shuǵyl
evakýatsııalanǵanyn habarlaǵan edik.
