Jumystan óz erkimen ketetin sýdıalar sany azaıdy – Jaqyp Asanov

NUR-SULTAN. QazAqparat – 2019 jyly tártiptik quqyqbuzýshylyqqa jol bergen 70 sýdıa jazalandy. Bul týraly qazaqstandyq sottardyń 2019 jylǵy jumysy qorytyndylanǵan keńeıtilgen otyrysta QR Joǵarǵy sotynyń tóraǵasy Jaqyn Asanov tolyǵyraq aıtyp berdi, dep habarlaıdy QazAqparat tilshisi.

«Kadrlardyń jumys aýystyrýy jaǵynan qyzyqty málimetter bar. 2018 jáne 2019 jyldary qaıtadan taǵaıyndalǵan sýdıalardyń sany az boldy. Nelikten? Sebebi bul ýaqytta biz búkil irikteý júıesi men kadrlardy jyljytý júıesine ózgeristerdi engizdik. Sol sebepti jańadan taǵaıyndalǵan sýdıalardyń sany az boldy», - dedi Joǵarǵy sot tóraǵasy.

Jaqyp Asanovtyń aıtýyna qaraǵanda, óz talap-tilegi boıynsha jumystan bosatýǵa ótinish bergen sottardyń sany azaıyp keledi.

«2017 jyl – ózdigimen qyzmetinen ketý úrdisiniń shyrqaý kezeńi boldy. Munda eki sebep bar: tómen mólsherdegi aılyq pen asa aýyr jumys júktemesi. Óz erkimen jumysynan ketken kóp sýdıamen áńgimelestim. Tike ózderine qońyraý shalyp, jaǵdaıdyń mán-jaıyn surap bildim. Al 2019 jyly bar-joǵy 26 sýdıa óz erkimen jumysynan ketti», - deıdi ol.

Sonymen birge, Jaqyp Asanov tártiptik jaýapkershilikke tartylǵan týrasynda da aıtyp ótti.

«2019 jyly jumysynan shyǵarý jazasynsyz 72 sýdıa jazalandy. Biz bir jaǵynan sottardyń táýelsizdigin kóterýdi oıladyq. Sol sebepti olarǵa táýelsizdik berdik. Sottardyń quziretinen kóp qyzmetti alyp tastadyq. Sonymen qatar, olardyń jaýapkershiligi de umyt qaldyrylǵan joq», - dedi Jaqyp Asanov.