Jumystan ábden qajyǵan robot ózine-ózi qol jumsady
ASTANA. 15 qarasha. QazAqparat - Mamandar robottar arasynda tuńǵysh ret sýıtsıd jasaldy dep otyr. Avstrııanyń Hınterstoder kommýnasynda úı tazalaýshy qultemir ózinen-ózi iske qosylyp, elektr plıtaǵa otyrǵan da, janyp ketken.
Bul týraly Nitech.newsru.com habarlaıdy. 44 jastaǵy qojaıyn Gelmýt Knıvasser robotyna sońǵy ret edendi jarmadan tazartýdy tapsyrǵan da ózi kóshege shyǵyp ketken. Qaıtyp kelse, ashana órtenip jatyr, robot elektr plıtanyń ústine shyǵyp alǵan. Qojaıynnyń aıtýynsha, ol aldymen ózin-ózi, keıin plıtany iske qosqanǵa uqsaıdy. Jergilikti basylymdardyń málimetinshe, robot mundaı qadamǵa zeriktiretin jumystan qajyp ketken soń barǵan. Aıta keteıik, bıyl maýsym aıynda Avstrııada kógal qyryqqysh robot qojaıynynan qashyp shyǵyp, kórshi úıdiń aýlasyndaǵy shlangylardy kesip tastaǵan edi, dep jazady "Alash aınasy" basylymy.
