Jumystaǵy kúızelisti anar shyryny basady
ASTANA. QazAqparat - Bar bolǵany bir staqan shyryn kúızelisti basyp, jumys isteýge serpin beredi. Edınbýrgtegi Margaret patshaıym ýnıversıteti ókilderiniń málimdeýinshe, olar jumystaǵy kúızelisti qalaı basýdyń amalyn tapqan.
Bul - bir staqan shyryn, ol kúızelis deńgeıin túsirip, durys jumys isteýge kómektesedi, dep jazady topnews.us-qa silteme jasaǵan toneto.
Ǵalymdar 60 eriktiniń qatysýmen tájirıbe júrgizgen, olarǵa eki apta kóleminde kúnine 500 mıllılıtr anar shyrynyn ishkizip otyrǵan. Zertteý aldynda jáne tájirıbe sońynda áıelder men er adamdarǵa olardyń emotsıonaldyq kóńil kúı jaıly, jumysqa degen yqylasy jaıly saýalnamany toltyrý usynylǵan.
Belgili bolǵandaı, kúnine júıeli túrde 1 staqan anar shyrynyn iship otyrǵandar kóńil kúıleriniń kóterilgenin baıqaǵan. Olardyń jumysqa degen yntasy artyp, olardy titirkendiretin jaǵdaılarǵa asa mán bermegen.
Dáriger emad Al-Dýjaılı zertteýdiń anar shyrynynyń jańa paıdaly qasıetterin anyqtaýǵa múmkindik bergenin atap ótti. Shamasy, ǵalymdar bul shyrynnyń paıdasy jaıly tolyǵymen bilmeıtin bolý kerek, sol sebepti olar ony áli de zerttemek.
