Jumyssyzdyq: Qazaqstanda qandaı sala qyzmetkerleri kóp zardap shekti

NUR-SULTAN. QazAqparat – QR Eńbek jáne halyqty áleýmettik qorǵaý vıtse-mınıstri Erjan Birjanov qandaı sala qyzmetkerleri jumyssyzdyqtan kóp zardap shekkenin atady, dep habarlaıdy QazAqparat tilshisi.

«Qyzmet kórsetý salasy qatty zardap shekti. Olar: meıramhana, qonaq úı bıznesi, kólik salasy jáne basqalary. Bul salalarda jumys isteýshiler sanynyń tómendeýi baıqalady. Degenmen, oń saldo tirkelgen basqa da baǵyttar bar. Bul - ІT salasynyń, aqparattyq júıeniń qyzmetkerleri. Olar jaǵdaıǵa tez beıimdelip, qyzmetterin onlaın rejımde kórsetýde», - dedi vıtse-mınnıstr QazAqparat tilshisine bergen suhbatynda.

Onyń dereginshe, jumyssyzdardyń eń kóbi Almaty, Túrkistan jáne Almaty oblystarynda tirkelgen. Bul óńirlerdegi jumyssyzdyq kórsetkishi 5 paıyzdan asady.

«Mundaı jaıt atalǵan óńirlerde jumys kúshi sanynyń kóp shoǵyrlanýymen baılanysty bolyp otyr. Kóshi-qonnyń úzdiksiz protsesi, jumysshy resýrstarynyń aǵylýy jumys aýystyrýǵa ıtermeleıdi, jańa múmkindikter de paıda bolady. Statıstıkaǵa sáıkes, atalǵan óńirlerde jumyssyzdyq deńgeıi joǵary», - dedi Erjan Birjanov.