Jumyssyzdyq deńgeıi 5 paıyzdy quraıdy - Statıstıka

ASTANA. QazAqparat - 2014 jyly Qazaqstan ekonomıkasynyń ár túrli salalarynda 8,5 mln. adam nemese 15 jáne odan joǵary jastaǵy halyqtyń 67,1 paıyzy jumyspen qamtyldy. Jumyspen qamtylǵandardyń jartysynan kóbi (4,4 mln. adam) - erler, 48,4 paıyzy (4,1 mln. adam) - áıelder. Bul týraly QR Ulttyq ekonomıka mınıstrligi Statıstıka agenttiginiń baspasóz qyzmetinen habarlandy.

2014 jyly jaldamaly qyzmetkerlerdiń sany 6,1 mln. adamdy nemese jalpy jumyspen qamtylǵan halyqtyń sanynan 71,9 paıyzdy qurady. Jumyspen qamtylǵandardyń arasynda óz betinshe jumyspen qamtylǵandardyń sany 2,4 mln. adamdy nemese 28,1 paıyzǵa teń bolyp otyr. Óz betinshe jumyspen qamtylǵandardyń jalpy sanynan jumyspen nátıjeli qamtylǵandar úlesi 69,9 paıyzdy, jumyspen nátıjesiz qamtylǵandar - 30,1 paıyzdy qurady.

«Jumyssyzdyq deńgeıi 5 paıyzdy qurady. Jumyssyz erlerdiń úlesi 43,4 paıyz, áıelderdiń úlesi - 56,6 paıyz.

15-28 jastaǵy jastar jumyssyzdyǵynyń deńgeıi 4,3 paıyzdy qurady. Qazaqstan Respýblıkasy Densaýlyq saqtaý jáne áleýmettik damý mınıstrliginiń jumyspen qamtý organdarynda 2014 jyldyń sońyna 33,4 myń jumyssyzdar resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,4 paıyzyn qurady», - delingen baspasóz baıanynda.