Jumyssyzdyq deńgeıi 5,3 paıyzǵa teń - Á.Smaılov

ASTANA. 14 qazan. QazAqparat /Arman Asqarov/ - 2011 jyly qyrkúıek aıynda jasalǵan esepke sáıkes Qazaqstandaǵy jumyssyzdardyń sany 472,5 myńdy qurady. Bul týraly búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaılov málim etti.

Agenttik tóraǵasynyń habarlaýynsha, búginde jumyssyzdyq deńgeıi ekonomıkalyq belsendi halyq sanyna shaqqanda, 5,3 % qurap otyr. «Jumyspen qamtý organdarynda jumyssyzdar retinde tirkelgen azamattardyń sany qyrkúıekte 78,7 myń adamdy qurady. Jasyryn jumyssyzdyqtyń kólemi 0,3 paıyzǵa teń boldy», - deıdi Á.Smaılov.

Aıta keteıik, Qazaqstandaǵy jumyssyzdyq deńgeıi 5,5 paıyzdan aspaýy tıis. Al Elbasy Nursultan Nazarbaevtyń tapsyrmasyna oraı, 2020 jylǵa deıin bul kórsetkishti 5 paıyzǵa deıin tómendetý - mindet.