Jumyssyzdar sany 475,3 myń adamdy qurady - QR Statıstıka agenttigi

ASTANA. 15 qazan. QazAqparat - 2012 jylǵy tamyzda halyqtyń ortasha jan basyna shaqqandaǵy ataýly aqshalaı tabystary baǵalaý boıynsha 51890 teńgeni qurady. Ósim 2011 jylǵy tamyzben salystyrǵanda ataýly aqshalaı tabystar úshin 9,1 paıyzǵa, naqty aqshalaı tabystar úshin - 4,2 paıyzǵa jetti. Bul týraly búgin QR Statıstıka agenttiginde ótken brıfıngte atalǵan vedomstvonyń basshysy Álıhan Smaıylov málim etti.

«2012 jylǵy tamyzda qyzmetkerlerge eseptelgen ortasha aılyq ataýly jalaqy 104546 teńgeni qurady. 2011 jylǵy tamyzǵa qaraǵanda 12,3 paıyzǵa ósti. Naqty jalaqy ındeksi 2011 jylǵy tamyzǵa 107,2 paıyzdy qurady»,-dedi agenttik tóraǵasy.

Onyń sózine qaraǵanda, 2012 jylǵy qyrkúıekte jumyssyzdar sany baǵalaý boıynsha 475,3 myń adamdy qurady. Jumyssyzdyq deńgeıi ekonomıkalyq belsendi halyq sanyna 5,3 paıyzdy qurady. Jumyspen qamtý organdarynda jumyssyzdar retinde tirkelgender sany 2012 jylǵy qyrkúıektiń sońyna 54,7 myń adamdy qurady nemese ekonomıkalyq belsendi halyq sanyna 0,6 paıyz deńgeıinde. Jasyryn jumyssyzdyq deńgeıi baǵalaý boıynsha ekonomıkalyq belsendi halyq sanynyń 0,3 paıyzyn qurady.