Jumyssyz júrgen atyraýlyqtar bes mamandyqty meńgerý kýrsynda oqıdy
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, jumyssyzdar bes mamandyqty sheteldik kapıtalmen birlesken kásiporynnyń demeýshiligimen meńgeredi.
«Oblys ákimdigi men sheteldik kompanııa arasyndaǵy kelisimge sáıkes jumysshy mamandyqtaryna oqytý jobasy 2019 jyldan beri júrgizilip keledi. Sheteldik kompanııa ekijaqty kelisimdi buzbaı, osy kezge deıin 3 myńnan astam adamdy 11 mamandyqqa oqytty. Keıinnen naryqta suranysta joq mamandyqtardy alyp tastadyq. Qazir suranystaǵy 5 mamandyqty qaldyrdyq. Bul – qubyr montajdaýshy, BÓAjA montajdaýshy, elektromontajdaýshy, qubyr dánekerleýshi jáne metall konstrýktsııalaryn dánekerleýshi. Sońǵy kórsetilgen eki mamandyqqa oqytý uzaqtyǵy – 4 aı. Al, úsh mamandyqty qalaǵandar 3 aı oqytylady», -dedi Azamat Mámbetov.
Onyń aıtýyna, búgin, 3 shildede jaýapty mamandar aýdandardaǵy jumyssyz azamattardy oqýǵa irikteýdi bastady. Іrikteý 7 shildege deıin Isataı, Qurmanǵazy, Inder, Mahambet, Maqat, Qyzylqoǵa, Jylyoı aýdanynda ótedi. Oqytý kýrsyna qabyldanǵandar jataqhana jáne úsh mezgil beriletin tamaqpen qamtylady.
Eske sala ketelik, budan buryn Qaırat Omarov Atyraý oblysy eńbek mobıldigi ortalyǵyna basshy bolǵanyn jazǵan edik.
Ol Atyraý munaı jáne gaz ınstıtýtyn «ekonomıst» mamandyǵymen bitirgen. 2013 jyldan osy taǵaıyndaýǵa deıin Jylyoı aýdany ákimdiginde «Halyqty jumyspen qamtý ortalyǵy» kommýnaldyq memlekettik mekemesiniń dırektory qyzmetin atqarǵan.
