Jumyssyz reseılik Qytaıǵa salmaǵy 1 keliden asatyn altyn áketpekke árekettendi
ASTANA. QazAqparat - RF Zabaıkale shekarashylary salmaǵy 1,1 keliden asatyn altyn partııasyn ustady. Ony jumyssyz reseılik kontrabandamen Qytaıǵa áketpek bolǵan, dep habarlady TASS óńirlik shekara basqarmasynyń baspasóz qyzmetine silteme jasap.
«Shekarashylar Reseılik 46 jastaǵy otandastary zańsyz áketip bara jatqan salmaǵy 1130 gramnan astam altyn partııasyn ustady. Jumyssyz er adam "Zabaıkalsk" halyqaralyq avtomobıl ótkizý pýnkti arqyly QHR-ǵa baǵyt alǵan. Sarapshylardyń baǵalaýy boıynsha onyń quny 2,8 mln. rýblden asqan», - dedi vedomstvoda.
Bul er adamnyń jeke avtomobıliniń tehnologııalyq qýystaryna alty altyn kesegi jasyrylǵan eken. Ustalǵan adam qymbat baǵaly júktiń shyqqan jerin jáne ony satyp alýshynyń jeke derekteri týraly aıtýdan bas tartty.
