Jumyssyz qazaqstandyqtardyń sany 442 myńnan asady

NUR-SULTAN. QazAqparat - 2019 jylǵy sáýirde Qazaqstanda jumyssyz júrgen 442,5 myń adam tirkelgen. Mundaı derekti QR UEM Statıstıka komıteti jarııa etti, dep habarlaıdy QazAqparat tilshisi.

"2019 jylǵy sáýirde respýblıka ekonomıkasynda baǵalaý boıynsha 8,8 mln adam jumyspen qamtyldy. Eńbekke tartylǵan halyqtyń arasynda 6,7 mln adam (jumyspen qamtylǵandardyń jalpy sanynan 76,1 paıyzy) jaldamaly eńbek etedi", - delingen komıtet aqparatynda.

Vedomstvo málimetinshe, 2019 jylǵy sáýirde jumyssyzdar sany baǵalaý boıynsha 442,5 myń adam boldy. Jumyssyzdyq deńgeıi 4,8 paıyzdy qurady.

Jumyspen qamtý organdarynda 2019 jylǵy sáýir aıynyń sońyna 160,7 myń adam jumyssyz retinde resmı tirkelgen. Tirkelgen jumyssyzdar úlesi jumys kúshiniń sanynyń 1,8 paıyzyn quraıdy.

Jasyryn jumyssyzdyq deńgeıi 2019 jylǵy I toqsanda jumys kúshi sanynyń 0,3 paıyzyna (31,2 myń adam) teń boldy.