16:54, 28 Naýryz 2020 | GMT +6
Jumyssyz qalǵandarǵa beriletin tólemder úshin 200 mlrd teńge bólindi
NUR-SULTAN. QazAqparat - Jumysynan aıyrylyp qalǵandarǵa beriletin áleýmettik tólemder úshin 200 mlrd teńge bólindi. Bul týraly QR Aqparat jáne qoǵamdyq damý mınıstri Dáýren Abaev Habar 24 arnasynda ótken onlaın brıfıngte aıtty, dep habarlaıdy QazAqparat tilshisi.
«Koronavırýspen kúresý barysynda bir adamnan aıyrylyp qaldyq. Onyń ólimi bárimiz úshin sabaq bolsyn», - deıdi Dáýren Abaev.
Sondaı-aq, ol osy jaǵdaıǵa baılanysty jumysynan aıyrylyp qalǵandar úshin qansha qarjy bólingenin aıtty.
«Memlekettik áleýmettik saqtandyrý qorynan jumysynan aırylǵandarǵa aı saıynǵy eń tómengi jalaqy mólsherindegi tólemder úshin shamamen 200 mıllıard teńge bólinedi», - deıdi ol.