Jumyssyz boryshkerden alıment óndirip alý qalaı júrgiziledi

ASTANA. QazAqparat – Alıment tóleýshi jumyssyz bolǵan jaǵdaıda balalary aldyndaǵy qaryzyn kim óteıdi? Máseleni sheshýdiń qandaı joldary qarastyrylǵan? Atalǵan saýaldardyń jaýaby Ádilet mınıstrligi usynǵan málimette berilgen, dep habarlaıdy QazAqparat tilshisi.

«Eger boryshkerdiń jalaqysy bolmaǵan jaǵdaıda alıment taǵaıyndaý elimizdegi ortasha aılyq jalaqy mólsherin negizge ala otyryp aıqyndalady. Jumyssyz boryshkerdiń alıment boıynsha tólemi bıýdjet qarajatynan jáne Memlekettik áleýmettik saqtandyrý qorynan beriletin járdemaqydan ustap qalý arqyly júrgiziledi», - delingen agenttik joldaǵan saýal jaýabynda.

Mınıstrliktiń habarlaýynsha, eńbek etýge nıetti alıment boryshkerlerine jumys usynylady.

«Ádilet organdary, jeke sot oryndaýshylarynyń palatalary men jergilikti ákimdikter birlesip 2018 jyldan bastap toqsan saıyn bos jumys oryndary jármeńkelerin ótkizedi. Ótken jyly júrgizilgen jumystyń nátıjesinde 2150 boryshker turaqty jumysqa ornalastyryldy», - deıdi vedomstvodan.