Jumyssyz aqtóbelikter túıindeme tapsyrý úshin kezekke turdy
AQTÓBE. QazAqparat - Aqtóbede bos jumys oryndary jármeńkesi ótti. Jumyssyz aqtóbelikter túıindeme tapsyrý úshin kezekke turdy, dep habarlaıdy QazAqparat tilshisi.
Aqtóbe qalalyq ákimdigi, jumyspen qamtý ortalyǵy jumys berýshiler men jumyssyzdardy bir orynǵa jınady. Bos jumys oryndary jármeńkesine 95 kásiporyn shaqyrylǵan. Olar 720 jumys ornyn usyndy. Qurylys kompanııalary men iri zaýyttar da jumysshy izdedi. Tańdaýy kóp jármeńkege jazasyn ótep shyqqandar da qatystyryldy. Alaıda olar ózderiniń buryn isti bolǵanyn aıtqan kezde jumys berýshiler oń jaýap bermegen.
«Qurylys salasynda jumys istegen edim. Bos jumys oryndary jármeńkesine kelgen jumys berýshiler buryn sottalǵandardy almady. Sóılestim, sottalǵanymdy estigende basqa jerden de jumys izdeýge bolatynyn aıtty. Búgin men jumys tappadym. Áli de izdeımin, qaraımyn»,- Serik Jumaǵalıev. Ol Qylmystyq kodekstiń 179-baby boıynsha sottalyp, 4 jyl túrmede otyrdy. Keıin raqymshylyqqa iligip, jaza óteý mergiziminiń 3 jyly shartty túrde bas bostandyǵynan shekteýge aýystyryldy.
Degenmen Aqtóbe oblystyq Jergilik polıtsııa qyzmeti «Jumys izdeımin» jármeńkesine 100-den astam sottalýshyny arnaıy shaqyrǵan.
«Buryn sottalǵan, jergilikti polıtsııa baqylaýynda turǵandardyń bári jármeńkege shaqyryldy. Jumys berýshiler buryn sottalǵandarǵa múlde qarsy bolǵan joq. Jumyssyz adam usynǵan jumysqa kelisse, biz minezdeme berip, kómektesemiz. Buryn sottalyp, jumyssyz júrgender arasynda buzalyq, urlyq baptarymen jazasyn ótegender de bar. Aralarynda joǵary bilimdi adamdar kezdesedi»,- dedi Jergilik polıtsııa qyzmetiniń aǵa ınspektory Azamat Kýrembaev.
Aıta keteıik, búgin jármeńke kezinde jumyspen qamtý ortalyǵy jumyssyz turǵyndardyń túıindemesin qabyldap, tizimde turǵan bos jumys oryndaryna jiberdi. Sonymen qatar, «Órleý» memlekettik jobasy týraly aıtyldy.
