Jumysshynyń vaktsınadan keıin demalys alýyna múmkindigi bar ma – Eńbek mınıstrliginiń jaýaby
«Kóptegen adam vaktsınatsııadan keıingi alǵashqy kúnde ózin jaısyz sezinetindigine shaǵymdanýda. Zańnamada vaktsınatsııadan keıin tym bolmaǵanda bir kún demalys alý múmkindigi qarastyrylǵan ba? Bolmasa mundaı norma engizý kózdelip otyr ma?», - dep suraǵan edi BAQ ókilderi vıtse-mınıstrden Ortalyq kommýnıkatsııalar qyzmetindegi baspasóz máslıhaty barysynda.
«Iá, qazirgi ýaqytta jappaı vaktsınatsııa júrip jatyr. Bul óte durys is-shara dep sanaımyn. Óıtkeni, kez kelgen kásiporynnyń, tipti bizdiń uıymymyzdyń odan arǵy qyzmeti vaktsına alǵandardyń sanyna baılanysty. Tezirek vaktsına alsaq, onda jumysshy óziniń jumys ornyna oralady»,- dedi vıtse-mınıstr.
Onyń atap ótýinshe, adam vaktsına alǵannan keıin ózin jaısyz sezinse, onda eńbekke jaramsyzdyq paraǵyn ashtyra alady.
«Jaısyz sezinýge qatysty aıtar bolsam, ondaı adamdar kóp emes. Vaktsınadan keıin qandaı da bir janama áser paıda bolǵan jaǵdaıda arnaıy 30 mınýt berilip, adam baqylaýda bolady. Eger qandaı da bir janama áser bolsa, onda dárigerge júginý kerek. Dárigerge júgingen kezde sımptomdar bilinse, eńbekke jaramsyzdyq paraǵyn ashtyra alady. Munyń bári jeke-jeke qaralady. Al vaktsınadan keıin barlyǵyna jappaı demalys berý máselesin qarastyrý tıimsizdep oılaımyn», - dedi Erjan Birjanov.