Jumysshylaryna jalaqy tóleýge kelgen kásipkerdi tonap ketken – Qostanaı
QOSTANAI. QazAqparat – Qostanaılyq polıtseıler kásipkerdiń urlanǵan aqshasyn qaıtaryp berdi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Polıtsııa málimetine súıensek, 51 jastaǵy qostanaılyq kásipker jumysshylaryna jalaqy tóleý úshin qurylys nysanyna kelgen. Sol sátte ony belgisiz bireýler tonap ketken. Kásipkerdiń qol sómkesinde 200 teńge aqsha men qujattar bolǵan.
«Jumysshylar birden polıtsııa shaqyrǵan. Patrýldik polıtsııa jasaǵy men jedel-tergeý toby oqıǵa ornyna úsh mınýt ishinde keldi. Jábirlenýshi polıtseılerge kúdiktilerdiń qaı jaqqa qashqanyn kórsetti. Іzdeý nátıjeleri boıynsha 24 jáne 27 jastaǵy Tobyl qalasynyń turǵyndary ustaldy. Sot sheshimimen olar ár túrli merzimge sottaldy», - deıdi oblystyq polıtsııa departamentiniń baspasóz mamany Kenje Qonysbaı.
Osylaısha, kásipkerdiń qarajaty men qujattary qaıtaryldy. Tıisinshe, ol tergeýshi Dana Malıanına, jedel ýákil Arlan Masaqbaevtyń jáne Ózbekalı Qalıdiń atyna alǵys hat jazdy.
