Jumysshylarǵa 20 mınýtqa myzǵyp alýǵa ruqsat berý usynyldy
ASTANA. QazAqparat - Kóp jumys -kúızelistiń joǵary deńgeıine jetkizýi múmkin. Qıyn tapsyrmalar men shıelenisken jaǵdaılar alǵashqyda adrenalındi arttyryp, tym joǵary belsendilik týdyrady.
Alaıda, bul kezeń tez ótip, artynsha fızıkalyq jáne aqyl-oı álsireýi bolady, dep habarlaıdy QazAqparat Zee News-qa silteme jasap.
Mamandar aǵzany «qaıta júkteý» úshin túski ýaqytta «tynyǵý saǵatyn» engizýge keńes berýde.
Lıdsa ýnıversıtetiniń qyzmetkerleri sondaı-aq kelesi jaıttardy anyqtady: mundaı tájirıbe dıabet, júrek aýrýlaryn, uıqynyń qanbaýynan týyndaıtyn depressııalyq jaǵdaılardy tómendetedi.
Statıstıkaǵa sáıkes, adamdardyń 25 paıyzy túnde 5 saǵattan kem ýaqyt uıyqtaıdy. Osy jaǵdaıdy eskere otyryp, kompanııa basshylaryna keńsede «tynyǵý ýaqytyn» engizý usynylýda. Olardyń aıtýynsha, eger 14:00-den 16:00-ge deıin 20 mınýtqa myzǵyp alsa, jumysshylardyń kreatıvti oılaý qabileti artyp, ımmýndyq júıeniń jumysy qalypqa keledi. Al, bul óz kezeginde syrqatyna baılanysty jumystan qalýshylardyń sanyn qysqartady.
