Jumysshylardyń ústine krannyń qulaýyna qatysty qylmystyq is qozǵaldy
KÓKShETAÝ. QazAqparat – Aqmola oblysynyń Stepnogorsk qalasynda qurylys krany jumysshylardyń ústine qulaý faktisi boıynsha qylmystyq is qozǵaldy, dep habarlaıdy QazAqparat.
«Atalmysh oqıǵa boıynsha QR Qylmystyq kodeksiniń 156-baby 3-bóligimen (Eńbekti qorǵaý talaptaryn buzý) sotqa deıingi tergeý bastaldy, tekserý júrgizilýde», - dep málim etti óńirlik Polıtsııa departamentinen.
Eske salaıyq, 22 qańtar kúni saǵat 16.40 shamasynda Stepnogorskide qurylys krany qulap, saldarynan eki jumysshy 16-18 metr bıiktikten qulap ketti.
32 jastaǵy dánekerleýshi Stepnogorsk qalalyq kópsalaly aýrýhanasyna jetkizildi. Keıin dárigerler onyń jaǵdaıy týraly aıtyp berdi.
45 jastaǵy montajshy oqıǵa ornynda mert boldy.
