«Jumysshylar jem bolmaýy úshin kásipodaq azýly bolǵany jón» - respýblıkalyq basylymdarǵa sholý
ASTANA. Maýsymnyń 3-i. QazAqparat - Qazaq aqparat agenttigi respýblıkalyq basylymdarda maýsymnyń 3-i, beısenbi kúni shyqqan ózekti materıaldarǵa sholýdy usynady.
***
«Birneshe kúnge sozylǵan birqatar resmı sharalardan keıin Qazaqstan Parlamenti Májilisiniń Tóraǵasy Oral Muhamedjanov Fınlıandııa Parlamentiniń spıkeri Saýlı Nıınıstemen eki jaqty kezdesý ótkizdi. Qazaqstandyq delegatsııamen kezdesýge jyly iltıpat tanytqan S.Nıınıste Qazaqstannyń EQYU-ǵa tórǵalyq róline oń baǵa berip, bul mańyzdy da jaýapty mindetti oıdaǵydaı atqaryp kele jatqanyn atap kórsetti», dep jazady «Egemen Qazaqstan» gazeti «Áriptestik baılanystar baılamy» degen taqyryppen basylǵan maqalasynda.
Qazaqstandyq delegatsııa Fınlıandııa Parlamentindegi kezdesýden keıin osy eldiń Eńbekpen qamtý jáne ekonomıka mınıstrliginde bolyp, jalpy fın ekonomıkasynyń jetistigimen tanysqan.
Halyqaralyq áleýmettik qamsyzdandyrý qaýymdastyǵy memlekettik uıymdar men áleýmettik qamsyzdandyrý qyzmetterin ózara baılanystyratyn halyqaralyq jetekshi uıym. 1927 jyly qurylǵan qaýymdastyqtyń 150 elde 340 múshe uıymdary bar. Ústimizdegi jyly maýsymnyń 8-9-ynda elimizde áleýmettik qamsyzdandyrý boıynsha iri halyqaralyq konferentsııa ótpek. Osy alqaly jıyn qarsańynda «Egemen Qazaqstan» gazeti HÁQA-nyń Bas hatshysy Hans-Horst Konkolevskımen bolǵan áńgimeni oqyrmandar nazaryna usynyp otyr. Suhbat barysynda ol «Qazaqstannyń memlekettik áleýmettik saıasatynyń basty aspektisi 2020 jylǵa halyqtyń tómengi kúnkóris deńgeıinen tabysy tómen halyqtyń úlesin - 8%, jumyssyzdyqty 5%-ǵa deıin tómendetýi óte mańyzdy», degen. «Áleýmettik qamsyzdandyrý - hh ǵasyrdyń eń basty jetistigi» degen taqyryppen berilgen ekeýara áńgimeniń egjeı- tegjeıin basylymnyń búgingi nómirinen oqı alasyzdar.
«Bul kúnderi ońtústik astanada opera men balettiń álemge aty máshhúr juldyzdary júr. Olardyń arasynda ıtalıandyq kompozıtor Per-Domınık Ponnel, reseılik dırıjer Andreı Anıhanov, Máskeýdegi Úlken teatrdyń prımasy Anna Antonıcheva, Sankt-Peterbýrgtegi Marııa teatrynyń balet solısteri Aleksandr Volchkov pen Reseıdiń atyshýly balerınasy Anastasııa Volochkova, jańa álemdik opera juldyzy Netta Or bar», dep jazady «Egemen Qazaqstan» gazeti. Olar Almatyda bastalǵan opera jáne balet óneriniń halyqaralyq festıvaline qatysýda. Sársenbi kúni Abaı atyndaǵy Qazaq memlekettik akademııalyq opera jáne balet teatrynda festıval P.Chaıkovskııdiń «Aqqý kóli» baletimen ashylǵan.
***
Búgin Astanada Qazaqstan Kásipodaqtary federatsııasynyń HHІІ sezi ótedi. Jumysshy qaýymǵa qorǵan bolsyn dep qurylǵan osynaý qoǵamdyq uıymdardyń bıylǵy jıynyna 320-dan astam ókiletti delegat kelgen. Bul jaıynda «Aıqyn» gazetiniń beısenbilik nómirinde jaryq kórgen «Jumysshylar jem bolmaýy úshin kásipodaq azýly bolǵany jón» degen maqalada keńinen jazylǵan. Basylymnyń baıandaýynsha, keshe osy delegattar birqatar kezdesýler, atap aıtqanda Májilis vıtse-spıkeri Vladımır Bobrovpen, Úkimet basshysy Kárim Másimovpen júzdesken. Kezdesý barysynda K.Másimov kásiporyndardy túıini tarqamaǵan kúrmeýli problemalardyń jeterlik ekendigin atap ótip,bul oraıda birlese, tize qosa sheshimder tabý qajettigin basa aıtqan.
«Nur Otan» partııasynyń ortalyq apparatynda halyq qalaýlysy Raýan Shaekınniń tóraǵalyǵymen jalǵa beriletin memlekettik turǵyn úılerdiń úlestirilýin qadaǵalaıtyn saraptamalyq toptyń alǵashqy otyrysy ótti», dep jazady «Aıqyn» gazeti. Jıyn barysynda saraptamalyq top jalǵa beriletin memlekettik turǵyn úılerge bıýdjetten bólingen qarjynyń jumsalýy men jergilikti jerlerdegi atqarýshy bıliktiń baǵdarlamany qalaı iske asyryp jatqanyn oı eleginen ótkizgen.
«Aıqyn» gazetiniń sport aıdarynda byltyr Germanııada ótken álem chempıonatynda 80 metrlik saıysta altynnan alqa taqqan OAR sportshysy Kaster Semenııa jaıynda maqala basyldy. «Іle-shala atalmysh sportshynyń basy bálege qaldy. Joq, Semenııa dopıngpen ustalǵan joq. Gáp - basqada. Halyqaralyq jeńil atletıka federatsııasynyń ókilderi Kasterdiń, shyn máninde, áıel ekenine kúmán keltirdi», dep jazady basylym. Oqıǵanyń odan ári qalaı órbigenin bilgińiz kelse «Siz kimsiz, Semenııa hanym?» degen maqalaǵa nazar aýdaryńyz.
***
«Astana aqshamy» gazetiniń jazýynsha, elorda ákimdiginde ótken tarıhı mádenı eskertkishterdi qorǵaý jónindegi qalalyq komıssııanyń otyrysynda S,Seıfýllın eskertkishiniń tuǵyryn kóterý máselesi sóz bolǵan. Sýretshiler odaǵy eskertkishtiń avtorymen, sondaı-aq qalalyq sáýlet jáne qala qurylysy basqarasymen kelise otyryp, músin tuǵyrynyń jobasyn jasap, ornatýdy kózdep otyr. Aldaǵy ýaqytta eskertkish tuǵyry bir jarym metrge deıin bıiktetiledi.
Osy basylymnyń «Áleýmet saýaly - ákim jaýaby» aıdarynda qala basshysy Imanǵalı Tasmaǵambetov elordalyqtardyń ózderin mazalaǵan saýaldaryna tuşymdy jaýap bergen.
***
«Keshe Qaraǵandy oblysy ǵaryshkerlerdi kútip aldy», dep jazady «Izvestııa-Kazahstan» gazeti. Soıýz TMA-17» kemesiniń halyqaralyq ekıpajyn Qazaqstan jeri ystyq yqylaspen qarsy aldy. Qalyptasqan dástúr boıynsha, ǵaryshkerlerge jerge qona salyp, qazaqstandyq almadan dám tartyldy.
«Ekspress-K» gazetiniń jazýynsha, Japonııanyń Premer-Mınıstri otstavkaǵa ketedi. Okınava aralyndaǵy AQSh áskerı bazasyn basqa jaqqa kóshirý týraly ýádesinde tura almaǵany úshin mamyrdyń 23-inde ıÝ.Hatoıama keshirim suraýǵa májbúr bolǵan edi. Bul ýádeni ol ótken jyly saılaýaldy naýqan kezinde bergen bolatyn.
