Jumysshylar quqyǵyn shekteıtin zańnamalyq aktilerge moratorıı jarııalaý usynyldy
«Elimizde qaryzdyq eńbekti qoldaný jumysshylardyń eńbek quqyǵynyń buzylýyna jáne eńbekkerlerdiń narazylyǵynyń týyndaýyna ákep soqtyrady. Óıtkeni, bul másele zańmen rettelmegen. Bir sózben aıtqanda quldyqtyń bir túri. Taıaýda Parlament Májilisiniń bir top depýtaty qaryzdyq eńbekti retteý jóninde zań jobasyn ázirleý týraly bastama kóterdi. Bul joba eńbekkerlerdi tolǵandyryp otyrǵan naqty máselelerdi sheshýge baǵyttalǵan. Sizderden depýtattardyń bul bastamasyn qoldaýdy jáne jumysshylardyń áleýmettik-eńbek quqyǵyn shekteıtin zańnamalyq aktilerge moratorıı jarııalaý múmkindigin qarastyrýlaryńyzdy suraımyz», - dedi B.Ábdiraıym.
Sonymen qatar ol ónerkásiptik jaraqattanýshylyq mólsheriniń birshama tómendegenine qaramastan, eńbekti qorǵaý salasyndaǵy jaǵdaı kúrdeli bolyp otyrǵanyna nazar aýdartty.
«Halyqaralyq eńbek uıymynyń deregi boıynsha, álemde óndiristik jaraqattaný - júrek aýrýy men onkologııadan keıingi úshinshi orynda tur. Bizdiń elimizdegi statıstıka da ókinishke oraı jaqsy emes. Sondyqtan Eńbek mınıstrligi usynǵan sharalardy qoldaýdy jáne eńbek qaýipsizdigin jaqsy qamtamasyz etken kásiporyndardy yntalandyrý joldaryn ázirleýdi usynamyz. Osy baǵytta Ekonomıkalyq yntymaqtastyq uıymyna múshe - damyǵan memleketter qoldanyp otyrǵan «Vision Zero» - «nóldik jaraqattanýshylyq» tájirıbesin zerdelep, qoldanysqa engizý qajet», - dedi federatsııa tóraǵasy.
