Jumysshylar ereýiline baılanysty Air Astana Frankfýrtqa ushpaıtyn boldy

ASTANA. QazAqparat - Air Astana áýe kompanııasy bir reıstiń saparǵa shyqpaıtynyn eskertti, dep habarlaıdy QazAqparat kompanııaǵa silteme jasap.

«Germanııa áýejaılaryndaǵy nemis kásipodaqtarynyń ereýiline baılanysty 17 aqpandaǵy KC 921/KC 922 Astana-Frankfýrt-Astana reısi ushpaıdy. Odan keıingi reıster kestege sáıkes júzege asady. Oryndalmaǵan reıs jolaýshylaryna bılet quny aıyppulsyz qaıtarylady nemese 2023 jyldyń 10 naýryzyna deıin oryndalatyn reısterge qaıta brondaý usynylady» dep málimdedi kompanııanyń baspasóz qyzmeti.

Áýe kompanııasy qolaısyzdyq úshin keshirim surady.

Bıletti qaıtarý jáne qaıta brondaý boıynsha kómek ortalyǵyna júginýge bolady.

Reıs mártebesin áýekompanııanyń resmı saıtynda tekserýge múmkindik bar.