Jumysshylar 13,5 keli quıma altyn taýyp aldy
ASTANA. QazAqparat - Qoqandta (Ózbekstan) káriz júıesin qazý kezinde jumysshylar salmaǵy 13,5 kelilik kirpish pishindes altyn quımasyn taýyp aldy.
Shamamen bul altyn ótken ǵasyrdyń basynda quıylǵan degen boljam jasalyp otyr.
Sheteldik BAQ-tyń habarlaýynsha, erekshe oljany qalalyq ishki ister bólimine tapsyrǵan jumysshylar, tek osynda ǵana bul jyltyr metall kirpishtiń altynnan quıylǵanyn bilgen.
Jergilikti turǵynnyń aıtýynsha, Hamza kınoteatrynyń mańyndaǵy aýmaq kóne qaladaǵy ejelgi oryndardyń biri bolyp sanalady.
Altyn quıma shamamen 750-800 myń AQSh dollaryna baǵalanyp otyr, al eger ol tarıhı jádiger retinde qarastyrylatyn bolsa, kirpishtiń quny arta túsedi.
Ózbekstan zańnamasyna sáıkes, tarıhı qundylyqtardy taýyp, ony memleketke tapsyrǵandarǵa jádigerdiń jalpy qunynan 25 paıyz kóleminde syıaqy tólenedi.
