Jumysshy jastar páterdi qandaı sharttarmen alady

NUR-SULTAN. QazAqparat – Elordada 1-6 jeltoqsan aralyǵynda «Jumys isteıtin jastarǵa arnalǵan satyp alý quqyǵynsyz jalǵa beriletin turǵyn úı» baǵdarlamasy boıynsha qujat qabyldanady.

Bul týraly Nur-sultan qalasy ákimdiginiń turǵyn úı qorynyń baspasóz hatshysy Armanaı Qabdeshova málim etti, dep habarlaıdy QazAqparat tilshisi.

«Baǵdarlama boıynsha qujattardy qabyldaý onlaın rejımde júrgiziledi, osy oraıda 2020 jylǵy 1-6 jeltoqsan aralyǵyndaastana.gov.kz saıty arqyly tapsyrasyzdar», - dedi A. Qabdeshova.

Aıta keteıik, 2020 jylǵa 350 páter beriledi.

Aı saıynǵy jaldaý aqysy 5 000 - 15 000 teńge shamasynda bolady.

Páter aýdany: aýdany 31 sh.m.-den 47 sh.m. deıingi 1 bólmeli páter.

Sharttary:

- 29 jasqa tolmaǵan QR azamaty;

- aıaqtalǵan orta/arnaıy orta/joǵary/joǵary oqý ornynan keıingi bilim jáne resmı jumysqa ornalastyrý;

- Nur-Sultan qalasynda sońǵy 2 jyldan kem emes turaqty úzdiksiz tirkelý;

- ótinish berýshide jáne otbasynyń barlyq múshelerinde QR boıynsha menshik quqyǵynda, sondaı-aq 2 jyl ishinde satyp alý quqyǵymen jalǵa beriletin turǵyn úıdiń bolmaýy;

- tólem qabilettiligin rastaý (aı saıynǵy tabys mınımým 111 120 teńge/sońǵy 6 aıda 40 AEK).

«Eger Siz Nur-Sultan qalasynda TJ kezinde 42500 teńge alǵan bolsańyz jáne ol aıaqtalǵannan keıin qashyqtan jumys nysanynda bolsańyz, sonyń saldarynan Sizdiń kiristerińiz tómendegen bolsa, bul ózgerister Sizdiń ótinishińizdi qarastyrý kezinde eskeriletin bolady», - delingen Turǵyn úı qory málimetinde.

Qajetti qujattar tizimi:

1.Ótinish berýshiniń ETsQ kilti;

2.Ótinish berýshiniń jáne otbasy músheleriniń (jubaıy, balalary bolǵan jaǵdaıda) jeke kýáliginiń skanerlengen nusqasy;

3.Dıplomnyń skanerlengen nusqasy (joǵary bilim týraly dıplom, mektep attestaty, biliktilik, arnaıy-tehnıkalyq bilim týraly dıplom – bar dıplomdardyń biri);

4.. Neke qııý týraly kýáliktiń skanerlengen nusqasy (bolǵan jaǵdaıda);

5.Balalardyń týý týraly kýáliginiń skanerlengen nusqasy (bolǵan jaǵdaıda);

6.Ótinish berýshige jáne otbasy múshelerine Qazaqstan Respýblıkasy boıynsha jyljymaıtyn múliktiń joqtyǵy týraly anyqtamanyń skanerlengen nusqasy (bolǵan jaǵdaıda jubaıy, balalaryna da);

7.Jumys ornynan anyqtamanyń skanerlengen nusqasy (menshik nysanyndaǵy memlekettik organdardyń «MM», «KMM», «RMM», «MKQK», «RMQK», «ShJQ MKK», «ShJQ RMK» qyzmetkerlerinde jumys ornynan memlekettik qyzmettegi jalpy ótili kórsetilgen mekemeniń fırmalyq blankisindegi anyqtama bolýy tıis);

8.Eńbek qyzmetiniń búkil kezeńi úshin BJZQ zeınetaqy aýdarymdary týraly anyqtamanyń skanerlengen nusqasy;

9.Zeınetaqy aýdarymdary eseptelmeıtin áskerı qyzmetshilerge jumys ornynan Siz turǵyn úı tólemderin almaıtyndyǵyńyz týraly anyqtamany qosa berý qajet;

10. Memlekettik kásiporyndar men mekemelerdiń qyzmetkerleri qyzmettik tizimdi usynýy qajet (bolmaǵan jaǵdaıda, QR Eńbek kodeksiniń 35-babyna sáıkes qujattardyń birin usynýy qajet);

11. Banktik shottyń bar ekendigi jáne nómiri týraly anyqtamanyń skanerlengen nusqasy (kartochkalyq shot, aǵymdaǵy, jınaq, debettik shot jáne t. b. - bar shottardyń biri);

12. Banktik shot boıynsha aqsha qaldyǵy jáne qozǵalysy týraly úzindi kóshirmeniń skanerlengen nusqasy;

13. Ótinish berýshiniń jeke jetistikteri týraly qujattyń skanerlengen nusqasy;

14. Jeke kásipkerler jeke kásipker retinde qyzmetiniń bastalǵany týraly habarlama usynady;

15. Eger Siz eńbek demalysynda nemese eńbekke ýaqytsha jaramsyz demalysynda bolyp, Sizdiń tabysyńyz tómendegen bolsa, eńbek demalysy týraly buıryǵyn nemese eńbekke ýaqytasha jaramsyz paraǵyn qosymsha usyný qajet.

16. Eger Siz TJ áreketine 42 500 teńge alǵan bolsańyz, Sizge osy járdemaqy túsken kartanyń shotynan úzindi kóshirmeni tirkeý qajet (01.01.2020 - 05.12.2020 jyldar kezeńinde karta boıynsha úzindi kóshirme).

Qatysýǵa qujattar tapsyrǵan azamattar arasynda irikteý baldyq júıe boıynsha júrgiziledi.

- Otbasynyń bolǵany úshin - 5 ball, Nekeniń ár jyly úshin - 2 ball;

- Bala bolǵany úshin-1 ball, kelesi árbir bala úshin – 2 ball;

- Bıýdjettik uıymdardaǵy (memlekettik mekemeler men memlekettik kásiporyndardaǵy) eńbek qyzmeti úshin – 5 ball, eńbek ótiliniń ár jyly úshin -1 ball;

- naryq suranysyna ıe 100 mamandyq tizimine sáıkes mamandyqty ıgergen ótinish berýshige - 10 ball (tizim saıtta jarııalanǵan zhilfond.kz);

- jeke kásipkerlik qyzmetti júzege asyrý kezinde keminde 1 jyl – 5 ball, árbir jyl úshin – 1 ball;

- ótinish berýshiniń ártúrli qyzmet salalarynda jeke jetistikteri bolǵan kezde (kásibı saladaǵy jetistikteri eskeriledi) – 2 ball;

- ekinshi deńgeıdegi bankterdegi jınaq shottaryndaǵy jınaqtardyń árbir jyly úshin - 2 ball.