Jumysshy óziniń bastyǵyn atyp óltirdi
ASTANA. QazAqparat - Qoıma jumysshysy bastyǵyn atyp óltirip, artynsha ózine-ózi qol jumsaǵan.
Bul týraly The Columbian basylymyna silteme jasap, lenta.ru habarlaıdy.
Oqıǵa keshe AQSh-tyń Vashıngton shtatyndaǵy Vankýver qalasynda oryn aldy. Aldyn ala derekter boıynsha, 60-ty alqymdaǵan er adam óziniń demalysy kúni qoımaǵa «Akýra» markaly qyzyl tústi kólikpen kelip, jumys berýshisin atyp óltirgen. Artynsha, kóligine otyryp, ózin de atqan.
Oqıǵa barysynda basqa zardap shekkender joq. Polıtseılerdiń aıtýynsha, qaza bolǵandardyń kim ekendikteri anyqtalǵan. Ázirge onyń nelikten osyndaı jaǵdaıǵa barǵany belgisiz.
