Jumyspen qamtylǵandar sany 8,6 mln. adamǵa jetti
Ótken jylǵy sáıkes kezeńge qaraǵanda olardyń sany 74,9 myń adamǵa nemese 0,9%-ǵa kóbeıdi. Jaldamaly qyzmetkerlerdiń sany atalǵan kezeńde 6,0 mln. adamdy (jumyspen qamtylǵandardyń jalpy sanynan 69,7%) qurady. Bul týraly QR Statıstıka agenttiginiń málimetinde habarlandy. 2013 jylǵy 4 toqsandaǵy aldyn ala derekteri boıynsha óz betinshe jumyspen nátıjeli qamtylǵandardyń úlesi 64,5% qurady, óz betinshe jumyspen nátıjesiz qamtylǵandar - 35,5%. 2013 jylǵy jeltoqsanda jumyssyzdar sany baǵalaý boıynsha 466,0 myń adamdy, ıaǵnı jumyssyzdyq deńgeıi 5,2% qurady. QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy jeltoqsan aıynyń sońyna 30,0 myń adam («Jumyspen qamtý 2020 jol kartasy» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,3%-yn qurady (2012 jylǵy jeltoqsanda - 0,4%). 2013 jyldyń jeltoqsanyndaǵy baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4%-yn qurady.