Jumyspen qamtýdyń jol kartasyna bólingen qarajatty paıdalanýda kóptegen buzýshylyqtar bar - D.Nazarbaeva
Bul týraly primeminister.kz habarlaıdy.
«Halyqty jumyspen qamtý máselesine basa nazar aýdarý qajet, ol qazirgi ekonomıkalyq jaǵdaıda qysymǵa tap bolady. Sondyqtan bul oraıda memlekettik organdar men jergilikti atqarýshy organdardyń birlesip, uıymdasqan naqty qyzmeti qajet», - dedi D.Nazarbaeva.
D.Nazarbaevanyń aıtýynsha, Qazaqstan óńirlerinde daǵdarysqa qarsy shtabtar jáne úsh jaqty komıssııalar bar, olar atalǵan másele boıynsha naqty jumys jasaýlary asa mańyzdy.
Vıtse-premer óńirlerde Jumyspen qamtýdyń jol kartasyn júzege asyrýǵa bólingen bıýdjet qarajatyn paıdalanýdaǵy kóptegen buzýshylyqtar máselesin kóterdi.
«Bas prokýratýra málimetinshe, tártip buzýshylyq kóbeıgeni anyqtaldy. Bul urlyq-qarlyq máselesi, demek jergilikti organ qyzmetkerleri jumysty tyńǵylyqty bitirip otyrǵan joq. Sondyqtan, jergilikti atqarýshy organdar jaýapkershilikti memlekettik organdarǵa júktep otyrýlary tıis. Oblystarda 7 memlekettik baǵdarlama júzege asyrylýda, ol jobalarǵa baǵyttalatyn qarjy da jergilikti atqarýshy organ quzyrynda», - dep túıindedi D.Nazarbaeva QR Premer-Mınıstri K.Másimovke qarata sóılegen sózinde.