Jumyspen qamtýdyń jol kartasy: Elordada 15 myń adam jumysqa ornalasty
Búginde qalada 15959 adam Jumyspen qamtý jol kartasy sheńberinde jumys isteıdi.
Atap aıtqanda, jumyspen qamtý ortalyǵy arqyly 8133 adam, merdigerler arqyly 7826 adam jumysqa ornalastyryldy.
Jumyspen qamtýdyń jol kartasy baǵdarlamasy boıynsha jumys isteıtin qyzmetkerlerdiń jalaqysy atqaratyn laýazymyna baılanysty 85000 teńgeden 250000 teńgege deıin jetedi.
Jumyspen qamtýdyń jol kartasy aıasynda elordada mektepter, aýrýhanalar, turǵyn úıler, joldar men kólik jáne ınjenerlik ınfraqurylym jóndeldi.
Bıyl bir aýrýhana men eki emhana kúrdeli jóndeýden ótti. Bilim salasynda 10 balabaqsha, 10 mektep jáne 5 bilim uıymy jóndelip, jańartyldy.
Jumyspen qamtýdyń jol kartasy boıynsha aǵymdaǵy jóndeý jumystaryn júrgizgen bilim mekemeleriniń biri - N49 orta mektep. 1300 balaǵa arnalǵan mektep 2005 jyly paıdalanýǵa berilgen.
Sodan beri bilim mekemesinde ishki árleý, jylý júıesin jóndeý, sýyq sý júıesin jabdyqtaý, elektr jelilerin jańartý qajet boldy.
Jumyspen qamtýdyń jol kartasy málimetteri boıynsha mektep zamanaýı talaptarǵa saı jańartyldy, ınjenerlik júıeler qalpyna keltirildi.
Jańa oqý jylynda oqýshylar jańa, jaryq kabınetterde oqı bastady. «Indýstroı-2» JShS júrgizgen jóndeý jumystaryna 98 qyzmetker tartyldy.
Onyń 47-si jumyspen qamtý ortalyǵy arqyly jumysqa ornalasqan.
Jol kartasy boıynsha bos jumys oryndary týraly aqparat enbek.kz portalynda jarııalanǵan.
Nur-Sultan qalalyq jumyspen qamtý ortalyǵy myna mekenjaıda ornalasqan: Beıbitshilik-25, «Órken» bıznes ortalyǵy.
Jumyspen qamtýdyń jol kartasy týraly aqparatty 7 (7172) 57 89 37, 57-88-89, 24-83-02, 8 777 116 82 73 telefondary arqyly alýǵa bolady.
Esterińizge sala keteıik, buǵan deıin Qazaqstan Respýblıkasynyń Prezıdenti Qasym-Jomart Toqaev «Jumyspen qamtýdyń jol kartasyn» 2021 jylǵa uzartýdy tapsyrǵan bolatyn.
Jańa jylda baǵdarlamada ony júzege asyrýdyń birinshi kezeńinde anyqtalǵan barlyq máseleler eskerilýi kerek.
