Jumyspen qamtýdyń jol kartasy: Almatyda 214 joba iske asyrylady

ALMATY. QazAqparat – Almaty ákimi Baqytjan Saǵyntaev «Jumyspen qamtýdyń jol kartasy» baǵdarlamasy jumyssyz qalǵan qala turǵyndaryna jumysqa ornalasýǵa múmkindik beretinin atap ótti, dep habarlaıdy QazAqparat tilshisi.

«Qala aýmaǵyn abattandyrý máselesi sheshilýde. Almatyda osy baǵdarlama boıynsha barlyǵy 26 myń jumys ornyn qamtıtyn 214 jobany iske asyrý josparlanýda. Olardyń 13 myńy Jumyspen qamtý ortalyǵynyń joldamasy negizinde jumysqa ornalasady. Búginde bastalǵan jobalar boıynsha Jumyspen qamtý ortalyǵy arqyly qurylǵan jumys oryndaryna 1813 adam, onyń ishinde 404 jas jumysqa ornalastyryldy»,– deıdi Almaty ákimi.

Qala turǵyndaryn jumysqa ornalastyrýǵa járdemdesý maqsatynda halyqty Jumyspen qamtý ortalyǵy arqyly ózara is-qımyl júıesi quryldy. Sonymen, «JQJK» boıynsha jobalardy iske asyrý aıasynda Jumyspen qamtý ortalyǵynyń bazasynda tirkelgen jumyssyzdarǵa 50% jumys orny beriledi.

Aıta keteıik, aǵymdaǵy jyldyń basynan beri Almatyda halyqty Jumyspen qamtý ortalyǵy arqyly turaqty jumysqa 4549 adam, ýaqytsha (qoǵamdyq jumystar, áleýmettik jumys oryndaryna) 3165 adam jumysqa ornalastyryldy. Kásip alýdy nemese biliktilikti arttyrýdy qajet etetin tulǵalar ónimdi jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde qysqa merzimdi kásiptik oqýdan óte alady.