Jumyspen qamtýdyń jol kartasy: 2021 jyly 41 myńǵa jýyq jumys orny qurylady
JQJK jobalary 4 negizgi baǵytqa bólingen:
– halyqtyń ómir súrý sapasyn arttyrý;
– ShOB úshin qarjylandyrýdyń qoljetimdiligin arttyrý;
– agroónerkásiptik keshendi damytý;
– óńirlerde bıznesti damytý.
QR Úkimeti janyndaǵy Halyqty jumyspen qamtý máseleleri jónindegi vedomstvoaralyq komıssııanyń kezekti otyrysynda birinshi baǵyt boıynsha jobalar sanyn 136-dan 199-ǵa deıin arttyrý týraly sheshim qabyldandy. Onyń ishinde 49 mektep (barlyǵy 61 nysan), 9 jataqhana, 11 densaýlyq saqtaý nysany, turǵyn úı-kommýnaldyq sharýashylyq salasyndaǵy 70 joba jáne 60 basqa da nysandar (áleýmettik qamsyzdandyrý, qyzmet kórsetý obektileri) bar. Jobalardy iske asyrý kezinde 18,3 myń jumys ornyn, onyń ishinde 7,9 myń turaqty jumys ornyn qurý josparlanýda.
Jobalardy irikteý kezinde negizgi nazar turaqty jumys oryndaryn qurýǵa, 3 aýysymdy jáne apatty mektepterdiń keıbir máselelerin sheshýge, aýyl turǵyndarynyń densaýlyq saqtaýǵa qoljetimdiligin qamtamasyz etýge, sýarmaly jerlerdiń alańyn ulǵaıtýǵa aýdaryldy.
Ekinshi baǵyt aıasynda 6%-ǵa deıingi mólsherlememen jeńildetilgen mıkrokredıtter berý qarastyrylǵan. 22,5 mlrd teńge somasyna 5,4 myń jobadan turatyn tizim jasaldy, oǵan et ónimderin, sútti óndirý jáne qaıta óńdeý, tamaq ónerkásibi, qyzmet kórsetý salalary jáne basqa da jobalar kirdi. Mıkrokredıt alýshylar qosymsha 10,6 myń jumys ornyn ashady.
Úshinshi baǵyt boıynsha Aýyl sharýashylyǵy mınıstrligimen jáne «Báıterek» holdıngimen birlesip, sońǵy qaryz alýshy úshin 6% - ǵa deıingi mólsherlememen 100 mlrd teńge somasyna 42 ınvestıtsııalyq joba iske asyrylatyn bolady.
Jobalar jumyspen qamtýdy qoldaý jáne jumys oryndaryn qurý; pysyqtalýdyń joǵary deńgeıi; azyq-túlik taýarlarynyń ımportyn qysqartý sharttar boıynsha irikteldi.
2,2 myń ýaqytsha jáne 3,8 turaqty jumys orny qurylady.
Tórtinshi baǵyt sheńberinde shamamen 6 myń jumys orny bıznes sýbektilerine jeńildikpen kredıt berý jáne qaryz berý, sondaı-aq jarǵylyq kapıtalǵa ınvestıtsııalaý, qarjylyq emes qoldaý kórsetý esebinen qurylatyn bolady.
Qazirgi ýaqytta JQJK aıasynda 67 jobany iske asyrý bastaldy, onda 3 myń adam jumysqa ornalastyryldy.
Jumys izdep júrgen qazaqstandyqtar turǵylyqty jeri boıynsha halyqty jumyspen qamtý ortalyqtaryna (budan ári – HJQO) júginý jolymen JQJK sheńberinde ınfraqurylymdyq jobalardy iske asyrýǵa qatysa alady.
Halyqty jumyspen qamtý ortalyqtary ýaqytsha tirkelgen adamdardy qosa alǵanda, jumyspen qamtý organdarynda jumys izdep júrgen adamdar, jumyssyzdar, sondaı-aq jumystan bosatylatyn adamdar, jalaqysy saqtalmaıtyn demalysta júrgen adamdar, stýdentter retinde tirkelgender qatarynan qajetti biliktiligi bar mamandardy irikteýdi júzege asyrady jáne ınfraqurylymdyq jobany iske asyratyn jumys berýshi-merdigerge jiberedi.
HJQO arqyly ınfraqurylymdyq jobalarǵa jumysqa ornalastyrý kezinde jumyssyz jastarǵa, NEET sanatyndaǵy jastarǵa, sondaı-aq densaýlyǵyna zııan keltirmeıtin jáne oqý protsesin buzbaıtyn jumystarda stýdentterge basymdyq beriledi.
HJQO qajet bolǵan jaǵdaıda ınfraqurylymdyq jobaǵa jumysqa ornalastyrý kepildigimen tıisti jumystardy oryndaý úshin jumys berýshi-merdigerdiń/qosalqy merdigerdiń ótinimderi boıynsha kadrlardy qaıta daıarlaýdy qamtamasyz etedi.
HJQO baǵyttary boıynsha jumysqa ornalasqandardyń jalaqy mólsheri salyqtardy, áleýmettik tólemderdi jáne ekologııalyq ústemeaqylar boıynsha tólemderdi esepke almaǵanda, paıdalanylmaǵan eńbek demalysy úshin ótemaqyny eskere otyryp, eń tómengi jalaqynyń keminde eki mólsheri (83 myń teńge) deńgeıinde belgilenedi.
