Jumyspen qamtýdyń jol kartasy - 2020» baǵdarlamasyna sáıkes 4280,5 mln. teńgeniń jumystary atqaryldy - K.Sádbekov, BQO

ORAL. QazAqparat - Elbasymyz halyqty jumyspen qamtýǵa aıryqsha mańyz berip otyrǵany málim. Osyǵan oraı Batys Qazaqstan oblysynda ótken jyly 10640 jańa jumys orny ashyldy.

BQO jumyspen qamtýdy úılestirý jáne áleýmettik baǵdarlamalar basqarmasynyń basshysy Kemel Sádbekovtiń aıtýynsha, sonyń ishinde 4953 jumys orny nemese 46,6 paıyzy aýyldyq jerde ashyldy. 5264-i - turaqty, 5379-sy - ýaqytsha jáne maýsymdyq jumys.

Óńirde bir jylda 14425 adam eńbek ornyn tapsa, sonyń ishinde 7111-i jumyspen qamtý bólimi, 7314-i «Jumyspen qamtýdyń jol kartasy - 2020» baǵdarlamasy arqyly jumysqa ornalasty. Shaǵyn jáne orta kásipkerlik salasynda 7781 adam jumyspen qamtamasyz etildi. 7781 jumyssyz qoǵamdyq jumystarǵa jiberildi.

«Jumyspen qamtýdyń jol kartasy - 2020» baǵdarlamasyna sáıkes oblysqa 4280,5 mln. teńge berildi. Baǵdarlamanyń birinshi baǵyty - «Infraqurylymdy jáne turǵyn úı-kommýnaldyq sharýashylyqty damytý esebinen jumyspen qamtýdy qamtamasyz etý» boıynsha 25 áleýmettik nysandy salý men jóndeýge 2504,0 mln. teńge bólinip, ol tolyqtaı ıgerildi. 25 joba tegis júzege asyrylyp, 888-diń ornyna 960 jańa jumys orny, 447-niń ornyna 491 adam joldandy.

Baǵdarlamanyń ekinshi baǵyty - «Kásipkerlikti damytý arqyly jumys oryndaryn qurý jáne tirek aýyldardy damytý» aıasynda 506 adamǵa 996,0 mln. teńge shaǵyn nesıe tolyǵymen berildi. Kásipkerlik negizderine oqytýǵa 23,1 mln. teńge qaralyp, 500 adam oqyp shyqty.

Baǵdarlamanyń úshinshi baǵyty - «Jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý» aıasynda oqýdan shyǵarylǵandardy qosa eseptegende, 1164-tiń ornyna 1212 adam joldandy. Qazirgi tańda solardyń 908-i oqýlaryn aıaqtap, 874-i nemese 96,3 paıyzy jumysqa ornalasty.

Áleýmettik jumys oryndaryna 1 myńnyń ornyna 1764 adam, jastar tájirıbesine 900-diń ornyna 1316 jas túlek jiberildi.

Atalmysh baǵdarlama bıyl da jalǵasyn taýyp, onyń birinshi baǵyty boıynsha 22 nysandy salý nemese jóndeý kózdelýde. Bul jobalardy júzege asyrý barysynda 548 jumys orny ashylyp, 276 adam eńbekke ornalastyrylady. Baǵdarlamanyń ekinshi baǵyty boıynsha 450 adam kásipkerlik negizderin úırense, 500 adamǵa 1238,2 mln. teńge kóleminde shaǵyn nesıe beriledi. Úshinshi baǵyt boıynsha 596 adam áleýmettik jumys oryndaryna 1354 túlek jastar tájirıbesine jiberilse, 540 adam kásibı bilimin jetildiredi.

Sonymen qatar kedeılik deńgeıin tómendetý, az qamtylǵan otbasylardyń jıyn­tyq tabysyn kóbeıtý maq­sa­tynda birinshi kezekte eńbekke jaramdy otbasy múshelerin ju- mys­pen qamtý sharalary jal­ǵasyn tappaqshy. Kedeılik sheginen ta­­­­bysy tómen az qamtylǵan otba­sylarǵa 141,0 mln. teńge kóle­min­de memlekettik ataýly áleýmet­tik kómek tólenedi. Azyq-túlik sebetinen tabysy tómen az qamtylǵan otbasylar­dyń 18 jasqa deıingi balalary bar adamdarǵa 477,2 mln. teńge kó­leminde memlekettik jár­dem­aqy tólenedi. Sondaı-aq jer­gilikti bıýdjet esebinen az qam­tyl­ǵan otbasylarǵa 152,5 mln. teńge mól­sherinde turǵyn úı kómegi kór­se­tiledi.

«Elbasy tapsyrmasyn oryndaý baǵytynda Uly Jeńistiń 70 jyldyǵyna oraı Uly Otan soǵysynyń qatysýshylary men múgedekteri­ne 150 myń teńge jáne solarǵa teńestirilgen sanattaryna oblys boıynsha merekelik jáne ataýly kúnderde tólenetin birjolǵy áleýmettik kómek kólemin kóbeı­tý maqsatynda barlyq aýdandar­ men Oral qalasynda jergilikti ókiletti organdardyń she­shim­­­derine tıisti ózgerister men to­lyq­tyrýlar engizilip, soǵan sáıkes jumystar atqarylýda», dedi K.Sádbekov.