«Jumyspen qamtýdyń jol kartasy - 2020» baǵdarlamasy aıasynda túsindirý jumystary jetkiliksiz - S. Ahmetov
«Baǵdarlamany júzege asyrýdyń qarqyny jaman emes. Jol kartasynda eńbekpen qamtý problemalaryn sheshýdiń pármendi tetikteri eskerilgen jáne bul qazirgi kezde biz úshin mańyzdy. Atap aıtqanda, osy baǵdarlamanyń aıasynda barlyq tetikterdi qamtyp, sol boıynsha jumys isteýimiz kerek»,-dedi Úkimet basshysy. Osy oraıda S. Ahmetov birinshi kezekte barlyq qalalyq, aýdandyq ákimderdi oqytyp, olar bul baǵdarlamanyń barsha tetikterin tyńǵylyqty bilýi tıis ekendigin qadap aıtty.
Premer-Mınıstr barlyq óńirlerge tıesili birqatar problemalar bar ekenin aıta kele, baǵdarlama boıynsha halyq arasynda túsindirý jumystary jetkiliksiz ekenin jetkizdi.
«Osynyń saldarynan kópshiligi bul baǵdarlama kimder úshin qurylǵanyn, onyń basymdyqtaryn bilmeıdi. Sonymen qatar oqýdy aıaqtaǵandardy jumyspen qamtý baǵytynda da máseleler az emes»,-dedi S. Ahmetov.