Jumyspen qamtýdyń jańa baǵdarlamasy: 370 myń teńgege deıin jalaqy tólenedi
«Qoǵamdyq jumystar» baǵdarlamasy - aldyn ala kásibı daıarlyqty talap etpeıtin eńbek qyzmeti. Uzaqtyǵy 2020 jyldyń 31 jeltoqsanyna deıin. Eńbekaqy mólsheri 85 000 tenge. Kelem degen azamattarǵa oryn bar», - deıdi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baıtasov.
Sondaı-aq, ol «Áleýmettik jumys oryndary» baǵdarlamasy týraly toqtalyp ótti.
«Áleýmettik jumys oryndary» baǵdarlamasy jumys berýshini qoldaý maqsatynda qolǵa alynǵan. Jumyspen qamtý ortalyǵy ýaqytsha jumysqa joldaǵan azamattardyń jalaqysynyń 35%-yn memleket tóleıdi. Bul jumys berýshige kishkentaı bolsyn kómek. Bul baǵdarlama boıynsha jalaqy mólsheri 50 myń teńgeden bastap 370 myń teńgege deıin. Áleýmettik jumys oryndary jumyssyzdar úshin, olardyń ishinde basymdyq az qamtylǵan jáne kóp balaly otbasylardyń múshelerine, múgedek balalardy tárbıelep otyrǵan adamdarǵa, sondaı-aq «Halyqty jumyspen qamtý týraly» Zańnyń 20-baby 2-tarmaǵynyń 1) - 9) tarmaqshalarynda atalǵan adamdarǵa qurylady», - deıdi ol.
