«Jumyspen qamtý jol kartasy - 2020» baǵdarlamasyna qatysýshylardyń jartysy áıelder - T. Dúısenova

ASTANA. QazAqparat - «Jumyspen qamtý jol kartasy - 2020» baǵdarlamasyna qatysýshylardyń 49 paıyzy áıelder. Bul týraly búgin Qazaqstan Respýblıkasynda 2006-2016 jyldarǵa arnalǵan genderlik teńdik strategııasyn iske asyrýdyń aldyn ala qorytyndylaryna arnalǵan halyqaralyq konferentsııada QR Densaýlyq saqtaý jáne áleýmettik damý mınıstri Tamara Dúısenova málim etti.

«Jergilikti atqarýshy organdardyń málimetine qaraǵanda, sońǵy tórt jylda «Jumyspen qamtý jol kartasy - 2020» sharalaryna 600 myńǵa tarta adam qatysty. Onyń ishinde 49 paıyzy áıelder bolsa, sonyń jartysyna jýyǵy aýyldyq jerde ómir súrýde»,-dedi mınıstr.

Osy rette T. Dúısenova atalǵan kezeńde 220 myńnan astam názik jandylar jumysqa ornalasqanyn atap ótti.

Atap aıtqanda, jumyspen qamtý kásibı oqytý, shaǵyn nesıeler usyný, jastar tájirıbesine jiberý, turaqty qyzmetke ornalastyrý múmkindigimen áleýmettik jumys oryndaryn ashý arqyly iske asyryldy.