«Jumyspen qamtý»: Jobalardy iske asyrýda artta qalǵan óńirler
«Qazirgi kezde Úkimettiń basty maqsaty halyqtyń jumyspen qamtylýyn saqtaý bolyp sanalady. «Jumyspen qamtý» jol kartasy aıasynda 6,5 myńnan asa ınfraqurylymdyq joba kózdelgen. Olar áleýmettik nysandarda ınjenerlik-kólik ınfraqurylymyn, turǵyn úı-kommýnaldyq nysandaryn jóndeý men salýǵa, eldi mekenderdi abattandyrýǵa, sýarý jáne ırregatsııalyq júıelerge qatysty. Osynyń arqasynda 255 myń jumys orny qurylady. Jumyspen qamtý jáne halyqtyń ekonomıkalyq belsendiligin saqtaýmen qatar ınfraqurylymdy jaqsartý el ekonomıkasyn qalpyna keltirýde jaqsy nátıje beredi» - dedi Premer-Mınıstr.
Úkimet basshysy Shyǵys Qazaqstan, Almaty, Jambyl, Qaraǵandy, Túrkistan jáne Pavlodar oblystarynda qazirdiń ózinde jobalardy iske qosýdy bastaý qarqyny óte jaqsy ekenin atap ótti. Sonymen qatar Qyzylorda oblysy, Almaty jáne Shymkent qalalary artta qalyp kele jatqanyn eskertti.
«Osy rette jumysty kúsheıtý kerek. Jalpy, barlyq memlekettik baǵdarlamalardy iske asyrý aıasynda 1 mln 220 myńnan astam adamdy jumyspen qamtýdy josparlap otyrmyz. Onyń ishinde 235 myń turaqty jumys orny qurylady», - dedi Asqar Mamın.
