«Jumyspen qamtý» sharasynyń máni zor
ALMATY. Tamyzdyń 5-i. QazAqparat - Qazaqstan Respýblıkasynyń ІІM-niń arnaıy nusqaýyna sáıkes demalys barysynda kámeletke tomaǵandar tarapynan oryn alatyn quqyqbuzýshylyq pen onyń aldyn alý, ІІO-da esepte turatyn qolaısyz otbasylarda tárbıelenetin jasóspirimderdiń bos ýaqytyn uıymdastyrylǵan nysandarmen qamtý barysynda Kóliktegi Ońtústik-Shyǵys ІІD-niń qyzmet kórsetý aımaqtarynda arnaıy «Jumyspen qamtý» jedel keshendik is-sharasy uıymdastyrylyp, ótkizildi, dep habarlaıdy osy mekemeniń baspasóz qyzmetinen Sandýǵash Músilimova.
Bul ótkizilgen is-sharaǵa Qoǵamdyq qaýipsizdik basqarmasynyń ınspektorlarymen birge, esirtki bıznesine qarsy kúres jáne krımınaldyq polıtsııa qyzmetkerleri qatystyryldy. Sondaı-aq, atalmysh is-sharaǵa tártip saqshylarymen birge bilim berý oryndarynyń qyzmetkerleri men dárigerler, prokýratýra jáne «Nur Otan» HDP ókilderi men basqa de múddeli oryndardyń qyzmetkerleri de belsene atsalysty.
Bir apta júrgizilgen is-shara barysynda saqshylar quryǵyna 88 quqyq buzýshy mektep oqýshysy tústi. Olardyń 72-si túrli oryndarda ákimshilik quqyq buzýshylar, onyń ishinde beseýinen araqtyń ıisi múńkip, shala mas kúılerinde jetkizilgen. Ata-ananyń qaraýynsyz qalǵan nemese óz úıinen qashyp ketken 16 jetkinshek tizimge ilikti.
«Psıhologtardyń paıymdaýynsha balalardyń týǵan úıinen qashý sebebi de tárbıede jatyr. On tórt, on bes jasar qyzdardyń «erte eseıip» ketkendigi sonshalyq, jaqynda jezókshelikpen aınalysyp júrgen jerlerinen ustalǵan. Baspasóz betterinen jıyrma segiz jasynda áje atanǵan áıel jaıly oqyp kúlgenimiz bar edi, oılanyp otyrsaq, bul kúler jaǵdaı emes eken. Sol jıyrma segiz jasar ájeniń ózi de on tórt jasynda qursaq kóterip, qyzdy bolǵan. Osyǵan qarap otyryp, anasyn qarap qyzyn al, aıaǵyn qarap asyn ish degen maqal eriksiz oıǵa oralady», - dep oı órbitedi Sandýǵash Músilimova.
Balalardyń quqyǵyn qorǵaý men olardy jat qylyqtardan saqtaýda mektep ustazdary men ınspektorlardyń eńbegi erekshe. Kúndizgi ýaqytyn mektepte aralasatyn ortasymen ótkizetin ul-qyzdyń sabaqtan tys kezinde de aınalysatyn jumysy bolýy tıis. Balanyń qoly neǵurlym iste bolsa, soǵurlym buzaqylyqtan aýlaq, sharýaǵa beıim bolatynyn esten shyǵarmaýymyz kerek, deıdi quqyq qorǵaýshylar.
