Jumyspen qamtý ortalyǵynyń mamandary aılyqty jumys tapqan adam sanyna qaraı alady

ASTANA. QazAqparat – Jumyspen qamtý ortalyqtaryndaǵy mamannyń aılyǵy jumys tapqan adamdardyń sanyna qaraı belgilenetin bolady. Bul jaıynda Eńbek jáne halyqty áleýmettik qorǵaý mınıstri Tamara Dúısenova vedomstvonyń keńeıtilgen alqa májilisinde málim etti, dep habarlaıdy QazAqparat tilshisi.

«Qazirgi tańda ońtústik óńirlerden qonystanýshylardy qabyldaıtyn óńirlerdiń ákimderi kásiporyndar arasynda suranysqa ıe mamandyqtary bar kadrlar men qandastarǵa arnalǵan áleýmettik paket túri kórsetiletin jol kartalaryn daıyndap jatyr.

Sondaı-aq Mańǵystaý oblysynda synaqtan ótken etnıkalyq qazaqtardy qabyldaý algorıtmine nazar aýdarǵym keldi. Oǵan sáıkes jumys berýshi rastaǵan jumysqa shaqyrýlary bar etnıkalyq qazaqtar kásiporynnyń ornalasqan jeri boıynsha óńirge vıza alady. Elge buryn kelgen otbasy músheleri, etnıkalyq qazaqtar ózderi turatyn óńirge jiberiledi. Qalǵan sanattar jergilikti atqarýshy organdarmen kelisim boıynsha qonystandyrý óńirlerine jiberiledi», – dedi mınıstr.

Tamara Dúısenova halyqty jumyspen qamtý ortalyqtarynyń aldaǵy transformatsııasy týraly da aıtty.

«Óńirler deńgeıinde bek-ofıs fýnktsııasyn eńbek utqyrlyǵy ortalyqtary oryndaıdy. Aýdandar men qalalarda front-ofıster halyqty jumyspen qamtýmen aınalysady. Mundaı ortalyqtardyń kórsetetin qyzmetterine tarıfter belgilenedi. ıAǵnı, ortalyq qyzmetkerleriniń eńbekaqysy jumysqa ornalastyrylǵan azamattardyń sanyna tikeleı baılanysty bolady.

Transformatsııany pılottyq synaqtan ótkizý bıyl elimizdiń 3 óńirinde bastalady. Olar Astana qalasy, Qaraǵandy jáne Túrkistan oblystary», - dedi vedomstvo basshysy.