«Jumyspen qamtý» operatsııasynyń nátıjeleri shyǵaryldy
ASTANA. Shildeniń 26-sy. QazAqparat /Danıel Shaıynǵazın/ - Іshki ister mınıstrligi respýblıka aýmaǵynda aǵymdaǵy jylǵy shildeniń 19-y men 23-i aralyǵynda «Jumyspen qamtý» keshendi jedel-profılaktıkalyq is-sharasyn ótkizdi, dep habarlaıdy ІІM Ákimshilik polıtsııa komıtetinen.
Oǵan polıtsııa bólinisteri jáne basqa múddeli memlekettik vedomstvalary, onyń ishinde bilim, densaýlyq saqtaý organdary, jergilikti atqarýshy organdar janyndaǵy kámeletke tolmaǵandar isi jáne olardyń quqyqtaryn qorǵaý, jónindegi komıssııanyń qorǵanshylyq jáne qamqorshylyq organy jumyldyryldy.
Іs-sharanyń negizgi maqsaty - jazǵy demalystyń kezeńinde kámeletke tolmaǵandardyń tarapynyn quqyq buzýshylyqty eskertý jáne aldyn alý, olardy, onyń ishinde ІІO-nyń esebinde turatyn, qolaısyz otbasylarda tárbıelenetin jasóspirimderdiń bos ýaqytyn uıymdastyrý.
Operatsııany ótkizý barysynda ishki ister organdary 7 myńnan astam kámeletke tolmaǵandardy, olardyń ata-analary men zańdy ókilderin spırttik ishimdikterdi paıdalanǵandary úshin ákimshilik jaýapkershilikke tartty.
Ata-analardyń nemese olardyń oryn aýystyratyn adamdardyń balalardy tárbıeleý mindetterin oryndamaǵany úshin 731 adam, kámeletke tolmaǵandardy alkogoldi mas kúıge jetkizgeni úshin 51 eresek adam jaýapqa tartyldy, kámeletke tolmaǵandardy qylmys jasaýǵa tartqan 6 eresek adam anyqtaldy. 1264 kámeletke tolmaǵan jáne 1186 qolaısyz otbasy esepke alyndy.
