Jumyspen qamtý: Qyzylordada 97 joba qolǵa alyndy
Oblys ákimi Gúlshara Ábdiqalyqovaǵa qala ákimi Nurlybek Nálibaev «Jumyspen qamtý jol kartasy» men «Aýyl – el besigi» baǵdarlamalary aıasynda atqarylyp jatqan jumystardy barysyn baıandap berdi.
«Jumyspen qamtý jol kartasy» memlekettik baǵdarlamasy aıasynda Qyzylorda qalasynda áleýmettik-mádenı, turǵyn úı-kommýnaldyq sharýashylyq obektilerin jáne ınjenerlik-kólik ınfraqurylymdaryn jóndeý jumystary júrgizilýde.
Atalǵan baǵdarlama aıasynda barlyǵy 97 joba qolǵa alynǵan. Bul jobalar boıynsha qala turǵyndary úshin qosymsha 4373 jumys ornyn ashý kózdelgen. Búgingi tańda jumyspen qamtylǵandar 90 paıyzdan asyp, onyń 56,7 paıyzy turaqty jumys kózine aınalǵan.
Oblys ákimi aldymen Nursultan Nazarbaev dańǵylynyń boıyndaǵy abattandyrý jumystary men jaıaý júrginshi jolynyń qurylysymen tanysty. 6 shaqyrymǵa jýyq jol boıyn kógaldandyryp, trotýar salýdy «Asanasdar» JShS jaýapkershilikke alǵan. Merdiger joba aıasynda 180 adamdy jumyspen qamtyp otyr. Shahar basshysy jumystyń josparǵa saı júrgizilip jatqanyn jetkizip, turǵyndardy kóptep jumyspen qamtýǵa mańyz berip otyrǵanyn aıtty.
Bıyl Qyzylorda qalasy boıynsha 12 shaqyrym jylý júıeleri kúrdeli jóndeýden ótýde. Negizinde 20 jyldan asa qyzmet jasaǵan jylý qubyrlarynyń 5 shaqyrymy «Qyzylorda jylý elektr ortalyǵy» mekemesiniń óz qarajatymen aýystyrylsa, qalǵan 7 shaqyrym «Jumyspen qamtý jol kartasy» baǵdarlamasy negizinde jańalanýda. Bul jumystarǵa baǵdarlama talaptaryna saı 200 adam jumysqa tartylǵan. Jalpy Qyzylorda qalasy boıynsha jylý jelileriniń uzyndyǵy 186 shaqyrymdy quraıdy. Onyń 72 paıyzy tolyǵymen jańartylǵan.
Memlekettik baǵdarlama aıasynda qarjy qaralyp, kúrdeli jóndeýden ótip jatqan nysannyń biri «Lokomotıv» stadıony. Sport ortalyǵy sońǵy ret 2007 jyly jóndeýden ótken. Búginde tozyǵy jetip, qaıta jańǵyrtýdy qajet etken stadıon ǵımaratyn jóndeýge tarazdyq «AgrospetsStroı» mekemesi jaýapty. Merdiger 35 adamdy jumyspen qamtyǵan.
Aqsýat aýyldyq okrýgi «Aýyl – el besigi» respýblıkalyq baǵdarlamasy aıasynda qarjylaı qoldaý tapqan. Aǵymdaǵy jyly aýylda 16 kóshe ortasha jóndeýden ótip, onyń 7 kóshesine asfalt salynsa, qalǵan 9 kóshege qıyrshyq tas tóselip bolady. Sonymen birge 1982 jyly salynǵan №143 orta mektepke araǵa 38 jyl salyp kúrdeli jóndeý jumystary júrgizilýde. Jóndeý jumystary negizinde aýyldyń jumyssyz júrgen 40 azamaty jumyspen qamtylǵan.
Oblys ákimi aralaý barysynda Qyzylorda qalasynda atqarylyp jatqan jumystarǵa oń baǵasyn berdi. Árbir nysannyń belgilengen merzimde el ıgiligine berý jaıynda merdigerlerge naqty tapsyrma berdi. Al qala ákimi Nurlybek Nálibaev aldaǵy ýaqytta da bul baǵyttaǵy baqylaýdy arttyryp, qosymsha jumys kózin ashýǵa kúsh salatynyn jetkizdi.
