Jumyspen qamtý kartasy eńbek naryǵyndaǵy teńgerimdilikke múmkindik beredi - Eńbek jáne halyqty áleýmettik qorǵaý mınıstrligi
«Búgin eńbek naryǵynda birqatar kókeıkesti máseleler bar, atap aıtqanda bul eńbek naryǵyndaǵy teńgerimsizdik, suranym men usynystyń úılespeýi. Eńbek naryǵyndaǵy teńgerimdilik máselesin sheshý úshin Jumyspen qamtý kartasy jasalýda, onyń maqsaty - eńbek naryǵyndaǵy jaǵdaıdy tolyǵymen beıneleýdi qamtamasyz etý», - deıdi D.Arǵandyqov.
Karta bir jaǵynan, ındýstrıaldyq jáne áleýmettik nysandar qurylysy sııaqty jumys oryndary ashylatyn jobalardy kórsetse, ekinshi jaǵynan eńbek resýrstarynyń kózderi - az qamtylǵan, jumyssyz azamattardy, oqý oryndaryn bitirýshilerdi, eńbek mıgranttaryn engizetin bolady, dep atap ótti ol.
«Jekelegen sanattar men mamandyqtar boıynsha eńbek resýrstary jetispeýshiligi oryn alǵan jerlerde, atalǵan mamandyqtar boıynsha kadr daıalaýǵa nemese eńbek resýrstaryn qaıta ornalastyrýǵa kómektesýdi qamtamasyz etý jónindegi sharalar qoldanylatyn bolady», - dedi departament dırektory.
Jumyspen qamtý kartasy halyqty eńbekpen qamtýdy memlekettik qoldaý sharalaryn júzege asyrýdyń keshendi ádisterin qoldanýǵa múmkindik beredi, dep aıaqtady sózin D.Arǵandyqov.