Jumyspen qamtý baǵdarlamasynda jemqorlyq faktileri anyqtaldy

ASTANA. QazAqparat - Memlekettik qyzmet isteri jáne sybaılas jemqorlyqqa qarsy agenttik Densaýlyq saqtaý jáne áleýmettik damý mınıstrliginiń, sondaı-aq jergilikti atqarýshy organdarynyń nazaryn «Jumyspen qamtýdyń jol kartasy - 2020» baǵdarlamasynyń aıasynda bıýdjet qarajatyn urlaý faktisiniń jıilegendigine nazar aýdardy dep habarlady sybaılas jemqorlyqqa qarsy agenttiktiń baspasóz qyzmeti.

Agenttik júrgizgen taldaý nátıjesinde «Jumyspen qamtýdyń jol kartasy - 2020» memlekettik baǵdarlamasyn iske asyrý sheńberinde eleýli sybaılas jemqorlyq  táýekelderi anyqtalǵan. Osylaısha, sybaılas jemqorlyqqa qarsy ulttyq bıýro Balqash qalalyq Jumyspen qamtý ortalyǵynyń dırektory Áınekovany ustady. Ol affıllırlengen kásiporyndarmen birlesip Ortalyq esebinde turǵan jumyssyz adamdardy jalǵan jumysqa ornalastyrǵan. Bul rette ol adamdar tipti  jumysqa ornalastyrylǵandaryn bilmeı kelgen.

Jymqyrylǵan bıýdjet qarajat somasy 12,3 mln teńgeni qurady. Qazirgi ýaqytta 6 kásipkerlik sýbektileri anyqtaldy,  «Alıans Antıka» JShS dırektory Mekeev, JK basshylary - Ospanov, Kalıeva, Ametov, Myrzabekov, Kúlmuhamedovter Áınekovamen sóz baılasyp, jalǵan 47  «joq adamdy» resimdegen.

Jyl basynan beri osyǵan uqsas fakt Aqtóbe, Mańǵystaý, Pavlodar, Soltústik Qazaqstan jáne Qaraǵandy oblystarynda anyqtalǵan. Osyǵan baılanysty agenttik  Densaýlyq saqtaý jáne áleýmettik damý mınıstrligine, sondaı-aq jergilikti atqarýshy orandarǵa eńbekpen qamtý ortalyqtarynyń qyzmetin baqylaýdy qatańdatýdy usynady.