«Jumyspen qamtý» baǵdarlamasyn júzege asyrý aıasynda 10 myńnan astam azamat shaǵyn nesıe aldy

 ASTANA. QazAqparat - «Jumyspen qamtý 2020 jol kartasy» baǵdarlamasynyń kásipkerlik bastamany yntalandyrý men tirek aýyldaryn keshendi túrde damytýdy qarastyratyn (ári qaraı - «»JQJK 2020) ekinshi baǵytyn júzege asyrý aıasynda 10 myń 99 adam shaǵyn nesıe aldy. Onyń ishinde 421 adam nesıeni qaıtarylǵan qarajat esebinen rásimdedi. Bul týraly QR DSÁDM baspasóz qyzmetinen habarlady.

Shaǵyn nesıe alǵan adamdardyń 56% nemese 5 myń 677-si óz isin ashyp, kásipker atansa, qalǵan  44% nemese 4 myń 422 adam qoldanystaǵy bıznesiniń aıasyn keńeıtti. Aýyldaǵy kásipkerlikti damytý jańa jumys oryndaryn ashýǵa múmkindik berip, oǵan 8 myń 821 adam qosymsha jumysqa ornalastyryldy.

Sonymen birge, baǵdarlamanyń ekinshi baǵytynyń aıasynda 3 myń 743 adam kásipkerliktiń negizderi boıynsha oqýlaryn aıaqtady. 

Esterińizge sala keteıik, 2016 jyly «»JQJK 2020» baǵdarlamasynyń atalǵan baǵytyn júzege asyrý maqsatynda 31 mlrd. teńge bólindi.