«Jumyspen qamtý» baǵdarlamasy sheńberinde 5673 áleýmettik joba júzege asyryldy

ASTANA. QazAqparat -  2016 jyly «Jumyspen qamtýdyń 2020 jol kartasy» baǵdarlamasynyń jumyspen qamtýdy ınfraqurylymdy jáne turmystyq-kommýnaldyq sharýashylyqty damytý arqyly qarastyratyn birinshi baǵytynyń aıasynda 5673 ınfraqurylymdyq joba júzege asyryldy. Bul týraly QR Densaýlyq saqtaý jáne áleýmettik damý mınıstrliginiń baspasóz qyzmetinen habarlady.

Atalǵan jobalardy júzege asyrý nátıjesinde 40 myń 927 adam jumysqa ornalasty. Onyń ishinde 22 myń 213-i - baǵdarlamaǵa qatysýshylar.

 «JQJK 2020» baǵdarlamasy birinshi baǵytynyń aıasynda Qazaqstanda turmystyq-kommýnaldyq sharýashylyq, bilim berý, densaýlyq saqtaý, áleýmettik qorǵaý, mádenıet, sport, abattandyrý, ınjenerlik-kólik ınfraqurylymy salalaryna jatatyn nysandar salynyp, jóndeýden ótkizildi.

Esterińizge sala keteıik, 2016 jyly «JQJK 2020» baǵdarlamasynyń birinshi baǵytyn iske asyrýǵa 80,1 mlrd. teńge bólindi. Bul qarajat jobalardyń sany eskerile otyryp, jergilikti atqarýshy organdardyń tapsyrystary negizinde óńirler arasynda bólindi.