Jumyspen qamtý baǵdarlamasy aıasynda qazaqstandyq otbasylar úshin 500 úı turǵyzyldy
dep habarlady QR Premer-Mınıstriniń resmı saıty Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
«2012 jyldyń 1 qazanyndaǵy málimetter boıynsha, 497 úıdiń nemese 1661 páterdiń qurylysy aıaqtalǵan», - delingen vedomstvonyń habarlamasynda.
Qazirgi kezde baǵdarlamaǵa qatysýshylar men olardyń otbasy músheleri 366 úıge kóship kirgen. Qonystanýshy otbasylarǵa kóshýge 45,7 mln teńge somasyndaǵy sýbsıdııa berilgen.
Eńbek mınıstrliginiń habarlaýynsha, óńirlerde 450 úıdiń qurylys jumystary júrip jatyr. Sóıtip, bıylǵy jyly 4604 páterli 1101 úıdi salyp bitirý josparlanyp otyr.
«Jumyspen qamtý-2020» baǵdarlamasynyń úshinshi baǵyty sheńberinde toqyraýǵa ushyraǵan eldi meken turǵyndaryn eldiń ekonomıkalyq ósý ortalyqtaryna óz erikterimen qonystanýyna yqpal etý arqyly eńbek resýrstarynyń ushqyrlyǵyn arttyrý kózdelýde.